【我老公係發哥連載系列之15 番外篇】發嫂陳薈蓮一連十五集《我老公係發哥》已全數刊出，原來今次專訪不但加深大家對發嫂的認識，就連身為老公的發哥，也表示看畢專訪後才發現太太有這麼多的秘密，包括發嫂花了七年時間才走出喪女之痛。發哥說：「好多嘢佢收喺心入面，藉住呢次訪問，將秘密、冤屈抒發咗，應該係開心嘅。」
不少成功男人背後都有個女人，如跟發哥周潤發結婚31年的發嫂陳薈蓮便是當中的佼佼者，發嫂為發哥擔任經理人之餘，更將家中大小事務打理得妥妥當當，讓發哥可以專心工作。發嫂為本報一連十五集的《我老公係發哥》專訪已全數推出，不少讀者或網民看畢均對發嫂加深了解和認識，就連發哥日前接受本報訪問時，也表示看畢整輯專訪後，才知道太太這麼多冤屈。
問發哥對太太首次出鏡做專訪有何評價時，發哥笑說：「好開心吖，佢發揮得好好，好自我吖。出到街有好多人讚阿太（發嫂）靚，又話佢自然，佢好少可以自己對住個鏡頭咁自然，講啲咁感性嘅嘢，係開心嘅。」
開心能抒不快
91年發哥與發嫂經歷喪女之痛，發嫂在臨盆前一星期，女兒因臍帶纏頸胎死腹中，對於發嫂在今次專訪中重提胎兒夭折一事，發哥說：「佢覺得舒服，講嘅時候有啲釋放咗，個人開心咗，係OK嘅。可能有啲嘢收埋收埋咁耐，佢又唔會同我講，如果佢喺鏡頭面前可以講到，咁即係佢睇通咗啦。」發哥坦言不知道太太要花七年時間才走出喪女之痛，他說：「女人嘅嘢梗係好秘密嘅，即係好多嘢，佢收喺心入面唔會同個老公講，佢藉住呢次訪問，將入面嘅叫做秘密，或者係冤屈，或者係唔開心，抒發咗，應該係開心嘅。」
發哥又大讚發嫂不論擔任自己經理人還是周太也相當稱職，但發哥同時亦心痛發嫂為自己犧牲太多：「有時我覺得因為我喜好係鍾意做戲，因為我鍾意，令到佢犧牲咗好多嘢，我覺得偉大嘅。如果你鍾意一個人，有時冇辦法㗎喇，係要咁，除非我退休唔做㗎啫，所以𠵱家盡量減少啲，揀啲自己鍾意做嘅電影囉。去到我哋咁嘅歲數，亦都唔係咁多角色啱我哋做。𠵱家阿太應該會冇以前咁辛苦，可以周圍去下，做自己鍾意做嘅嘢，我覺得佢有啲空間畀返佢自己係好啲嘅，太多時間放喺我度，佢就變咗辛苦，又要照顧家庭，又要照顧老公事業。」
「萬般帶不走」
至於發嫂在訪問中曾透露會將所有財產捐出幫助有需要的人，發哥表示絕對支持，發哥說：「我媽咪成日講一樣嘢，『我哋萬般帶不走』，你將啲嘢、將啲財富點樣去適用喺對社會有幫助、需要呢啲金錢嘅人，幫到人係一種樂事，反正你『瞇埋眼』都唔係你㗎啦，你邊度用到咁多啫。」
採訪：陳月媚
|
鍾意就快D Share啦！
|
|
|