闊別電視螢幕多年的陳欣健，最近接受港台第一台《舊日的足跡》車淑梅訪問，回顧演藝經歷，談到長女陳早茵性取向的看法，還談到結婚43年的太太的近況。
當年任職警隊的陳欣健，當年短短時間內已晉升為最年輕警司，後來因認識不少圈中名人，而轉至娛樂圈發展。在娛圈工作多年，圈中誘惑無窮，那會否影響與太太的關係？他稱：「43年嘅婚姻，我成日唔喺屋企，又有好多緋聞，太太一定唔開心。我好多謝佢嘅容忍，太太都知道我好珍惜家庭。」
陳欣健透露，太太尤情（邵氏女星張蓉蓉）近年有輕微腦退化症，猶如活在虛幻境界：「依家我會減少外出，陪佢睇卡通片。佢就好似錄音機咁，同一個問題問上100次，但我都會笑住回答，可以話係苦中作樂，但求佢有五秒嘅清醒微笑，我都會很開心。」
陳欣健入行以來，多女埋身是不爭的事實，他曾在亞視節目《亞視百人》中，被甘國亮踢爆他有27個女朋友，當時陳欣健就謂︰「我講真話，我真係好多紅顏知已…..我覺得同女仔溝通係易過同男仔溝通。」傳過緋聞的女星更數不勝數。但太太，只有一個，之前陳欣健不時偕妻出席飯局，但近年已經鮮見。
陳欣健認為自己一輩子都對唔住太太，自言雖然並非一個及格的丈夫，但確是一個盡責的丈夫。
更多娛聞，喺晒《娛果》
http://fb.com/appledailyent
來源 source: http://hk.entertainment.appledaily.com
|
鍾意就快D Share啦！
|
|
|