余文樂畀人嘅感覺成熟咗好多，開始為成家立室打算。
勇於嘗試的藝人余文樂，繼英皇電影《悟空傳》瘋狂操爆肌後，近日於新片《狂獸》繼續向難度挑戰，演反派的他直言水底大戰張晉及林家棟超辛苦。戲中角色不相信愛情，現實中的樂仔與台灣皮帶大王千金王棠云感情穩定，但他自爆以前曾試過拒愛：「覺得未係時候拍拖，呢行好難令人相信係咁忙，有時真係約個幾月都見唔到面。（肯為愛情放棄事業？）睇階段比重，廿幾歲心理上未準備好，到某個歲數較穩定。」問到現階段會否想組織家庭，他指要視乎另一半是否在同一軌道：「依家算係，我覺得一個忙嘅話，另一半就唔好咁忙，仲要唔好喺同一行。（會結婚？）到時候會做呢樣嘢，同女友有共識，依家好好，我唔係貪心嘅人。」
自嘲辛苦命
樂仔身為運動健將，游水絕對難不到他，但今次於水底拍打戲他不禁大呻辛苦：「水底好多嘢係未知，要挑戰水壓。（怕窒息？）我都驚，真係唔應該拍。係危險，而且體力消耗好大。（以後唔拍？）唔會有人再拍咁傻。」搖身一變成為打星的他，被問到還想挑戰甚麼？樂仔笑言寧願談談情收錢最好：「我真係辛苦命（唔接打戲住？）劇本都唔睇，逃避，打打殺殺唔好搵我，唔好講片酬，唔想知。我先後同葉偉信、鄭保瑞、郭子健、李子俊呢『四傻』導演合作，真係好攰，短幾年命添！」
余文樂化妝：Jenny Tziong
余文樂髮型：Ben Yeung
余文樂服裝：Madness
來源 source: http://hk.on.cc
|
鍾意就快D Share啦！
|
|
|