曾經講過「夫妻嘅感情係需要大家攞時間出嚟，攞出大家嘅精神，去做一啲好似拍拖嘅事」嘅陳豪，，雖然自認唔浪漫，但就好識Keep住愛情新鮮感，所以佢幾忙都會抽時間陪老婆陳茵媺！尋晚佢哋就賣甩3個仔女，去咗行街拍拖睇戲食飯！
一向少有喺社文網上載兩公婆生活照嘅陳豪，突然大晒恩愛，佢上載咗同茵媺嘅Sweet爆合照，又拖實手仔，連食飯都要捉實對方隻手，真係甜到漏，儼如一對處於熱戀期嘅情侶咁！佢留言：「晚上難得抽空和太太拍拖一番，行街，食飯和去電影院，好好享受一下二人世界！」網民都大讚係「Sweetest couple（最甜蜜嘅情侶）」、「閃到盲」，仲話茵媺唔化妝都咁靚，！
不過其中一張相，係齋影住兩人拖實嘅手，有網民留言笑問係邊個影呢？睇嚟陳豪為咗影呢張相都落足力呀！
來源 source: http://hk.on.cc
|
鍾意就快D Share啦！
|
|
|