睇住恒指喺3萬點一時破、一時穿，大行話睇34,500點，但專家又話插萬點唔出奇！只要係股民，呢排肯定心掛掛食唔安瞓唔落。查實，真正嘅股神巴菲特每日係瞓足8粒鐘！想做股神？先參考吓佢一日點過。
87歲嘅巴菲特每朝大約6點45分就起身，唔會再早，佢講過「我冇諗過要凌晨4點起身做嘢。」起身後佢會睇報紙及財經雜誌，同埋食早餐。
佢最愛麥當勞早餐，揀食乜要睇嗰排股市升跌。升市佢就食豪啲，就係煙肉蛋芝士包；跌市就食平啲嘅腸蛋芝士包；如果市況再差，就香腸餡餅加杯可樂算。
早餐飲可樂？冇錯，佢每日平均飲五罐。點解超Like漢堡包、雪糕、可樂等高脂食品？佢話「我查過統計，6歲係死亡率最低嘅年齡級別，所以保持6歲時嘅飲食習慣係最安全。」不過咁，食完早餐，佢會做啲運動嘅。
等到股市開市後（即是早上9點半後），股神先會返公司。佢喺Office會瀏覽主要媒體嘅新聞同搵書睇，他平均八成時間用來閱讀，佢仲建議大家每日至少要睇500頁書！
又到食晏時間，佢有時會搵埋微軟創辦人蓋茨一齊，一樣係幫襯麥記。之後股神返Office繼續閱讀。
到咗收工，股神有時會約人打橋牌。佢講過「我打橋牌時，就算有個祼女行過，我都睇唔到。」佢每周最少會玩12個鐘，「如果監倉有3位都能打橋牌嘅對手在旁，我就算坐監亦唔介意！」
到晚上10時45分，巴菲特就準備上床瞓，佢講過「我鍾意瞓覺，通常每日要瞓8個鐘。」
咦？炒股嘅時間？閣下唔記得嗱，股神講長線投資唔短「炒」，邊使時刻睇住價位上落！
─ ─ ─ ─ ─ ─
交稅季節又到，即刻click入 http://on.cc/taxloan2017/ ，一次過教你點樣輕鬆度過悠閒「稅」月！
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！
遊戲下載： https://goo.gl/7JP2hm
|
鍾意就快D Share啦！
|
|
|