掃呢頁CODE去手機

2017年12月6日 星期三

【俠味道‧翁靜晶(11)】寄張相就做咗演員 翁靜晶:從來唔覺得自己靚 __,翁靜晶,

提起翁靜晶,大家最快諗到嘅應該都係「佛門女俠」,做過律師、又做過保險,不過當初踏足社會嘅角色,其實係演員。14歲離家出走,又點解會冇神神走咗去拍戲呢? ...




提起翁靜晶,大家最快諗到嘅應該都係「佛門女俠」,做過律師、又做過保險,不過當初踏足社會嘅角色,其實係演員。

14歲離家出走,又點解會冇神神走咗去拍戲呢?原來,12歲嘅翁靜晶曾將自拍照寄到《電視周刊》,想成為「仙女」(模特兒),但輾轉傳到劉芳剛導演手中,獲邀演出《年青人》一劇。翁靜晶:「嗰張自拍照係踩住單車,著住短褲,好強悍嗰啲樣嚟,張相本來係寄去一本電動周刊,佢入面有一個環節,俾啲小朋友寄啲相去,佢就會喺你個頭下面畫個身,你可以選擇做嫦娥呀、太空人呀、做警察呀咁,佢會幫你畫落去,我當時唔知係做仙女定做乜,但係就去錯咗製片部,去咗劉芳剛導演嗰度,令到我拍咗第一部電視劇。」提起呢次運氣安排嘅機會,翁靜晶都覺得好得意:「套戲叫做《年青人-風箏》,張國強做我哥哥,余安安做我哥哥嘅女朋友。」

機緣巧合下,翁靜晶就咁成為咗一名演員,其實好多人都覺得,年輕時候嘅翁靜晶的確幾靚女,不過翁靜晶聽到之後笑笑口話:「你話咩話?靚定叻呀?你唔好嚇我啦,老人家唔講靚㗎,老人家講莊嚴,我從來都唔係點化妝,好處係天然囉,冇整過容,我又冇乜特別嘅飾物、冇艷光四射,我係順眼、乾淨,我從來唔覺得自己靚。」

翁靜晶笑言小時候仲嫌自己個樣唔夠威,佢話﹕「如果塊面多撻刀疤就正,以前真係咁長大,13歲前唔着女裝,我係剪短頭髮男仔打扮。由細到大啲朋友都係男仔,係一班男仔嘅一個頭領,有時喺隧道掟石呀,做壞事呀,啲警察嚟追你嘅時候,都叫『o靚仔唔好走』,我知道匿喺女廁嗰度就安全,係後期先慢慢做返啲好女仔嘅嘢。」

記者:嵐山、馮國康、倩宜

攝錄:馮峰、卓振輝

攝影:陳俊強

更多娛聞,喺晒《娛果》

http://fb.com/appledailyent

【俠味道‧翁靜晶(1)】恩愛三十載之謎 翁靜晶點解叫劉師傅做細B?

http://bit.ly/2AnvNoz

【俠味道‧翁靜晶(2)】明知劉家良已有家室 翁靜晶:以前嘅社會好唔同

http://bit.ly/2jbxufo

【俠味道‧翁靜晶(3)】浪漫等如浪費 劉家良餵包餵到翁靜晶反面?

http://bit.ly/2kiuroY

【俠味道‧翁靜晶(4)】翁靜晶 劉家良戲假情真 張國榮原來係月老

http://bit.ly/2kkwDw3

【俠味道‧翁靜晶(5)】悲慘童年練就堅強個性 翁靜晶親述被虐經過

http://bit.ly/2zLBObq

【俠味道‧翁靜晶(6)】越南出世 翁靜晶點樣「攝罅」成為「香港人」?

http://bit.ly/2BxxcGd

【俠味道‧翁靜晶(7)】父母離異 翁靜晶9歲入貴族學校寄宿受虐:成身皮膚爛晒

http://bit.ly/2zO7sVT

【俠味道‧翁靜晶(8)】母親錫晒孻仔 翁靜晶14歲離家出走:你打死我

http://bit.ly/2A3xPeg

【俠味道‧翁靜晶(9)】《喝采》擔正有段故 翁靜晶讚哥哥係天才

http://bit.ly/2iVyB5V

【俠味道‧翁靜晶(10)】拉埋細佬賣汽水維生 翁靜晶:有腦㗎嘛!

http://bit.ly/2AuwuMU

【俠味道‧翁靜晶(11)】寄張相就做咗演員 翁靜晶:從來唔覺得自己靚

http://bit.ly/2imvrEf



12歲嘅翁靜晶曾將自拍照寄到《電視周刊》,輾轉傳到劉芳剛導演手中,獲邀演出《年青人》一劇。



機緣巧合下,翁靜晶成為咗一名演員。 翁靜晶笑笑口話:「我從來唔覺得自己靚。」

鍾意就快D Share啦!