掃呢頁CODE去手機

2017年12月6日 星期三

個個都咁紅!陶大宇:搵齊晒我哋拍劇好貴 __,陶大宇,

唯一一個小遺憾就係有啲人嚟唔到!無綫深宵熱播劇《壹號皇庭》系列成為網民熱話,昨晚多位演員包括陶大宇、歐陽震華、劉美娟、鄧萃雯、陳慧珊(Flora)、陳 ...


唯一一個小遺憾就係有啲人嚟唔到!


無綫深宵熱播劇《壹號皇庭》系列成為網民熱話,昨晚多位演員包括陶大宇、歐陽震華、劉美娟、鄧萃雯、陳慧珊(Flora)、陳秀雯、蘇永康、姚瑩瑩、駱應鈞及林保怡來個「世紀飯局」,當中有不少演員包括陳秀雯及陳慧珊等更是多年冇見,故大家甫見面即傾不停!

陶大宇接受東網訪問,坦言劇集自九月重播後,一班台前幕後都有重看,並回味當年拍攝時的開心點滴,同時更觸發搞飯局這念頭,大宇說:「今次飯局係蘇永康發起,佢好細心,仲親自安排埋餐單,知道我同秀雯係食齋,都特登安排齋,成晚我同秀雯喺到爭齋食,哈!可以喺短時間內有咁多人嚟都好開心,原本鄧特希、宣萱同吳啟華都想嚟,但因為有事要做嚟唔到。大家雖然咁多年冇見,但係見番時,個感覺就好似返咗去當年開工嘅歲月咁,大家仲Keep得好好!一坐埋講返套劇,最深刻當然係飛紙仔!」

在第五輯中飾演大宇女友的陳慧珊(Flora),原來是她首部電視劇作品,Flora在飯局現場一見到大宇即說:「我第一個劇就係同你合作!」Bobby聞言即笑着反問Flora有否被大宇欺負,Flora說:「大宇幫我好多就真!因為當時我廣東話唔好,演時又要我食煙,兩樣都唔識,最記得有場戲係要講兩頁紙對白,加上當時係飛紙仔,好彩大宇幫咗我好多!」

同場的鄧萃雯則說《壹號皇庭》系列的角色眾多,可以分拆五個組合去拍劇,大宇也表示認同,更笑言:「如果搵齊晒咁多個拍,應該冇乜老闆請得起,因為太貴!」


來源 source: http://hk.on.cc
鍾意就快D Share啦!