掃呢頁CODE去手機

2017年12月4日 星期一

85歲日踩22粒鐘!鐵人胡楓自嘲有精神病 __,胡楓,

莫講話85歲,25歲都未必頂得住。現年85歲的藝人胡楓(修哥)、羅蘭、吳君麗三人結伴看音樂會,修哥將於明年二月在紅館開騷,講到嘉賓,修哥笑言嘉賓一定有 ...


莫講話85歲,25歲都未必頂得住。


現年85歲的藝人胡楓(修哥)、羅蘭、吳君麗三人結伴看音樂會,修哥將於明年二月在紅館開騷,講到嘉賓,修哥笑言嘉賓一定有,但他不好意思請,就交給主辦商去請,因為他的人情卡早已碌爆。問到君麗姐是否嘉賓之一?修哥即望住君麗:「睇佢肯唔肯啦,你扭扭擰擰。」修哥續說唯一親自邀請是羅蘭,她好樂意去。對被邀做嘉賓,君麗表示:「一定嚟捧場。」而修哥表示第一次演唱會君麗便幫他連做三場嘉賓,所以過往已碌爆人情卡,由他七十歲、八十歲到今次都請了差不多三十位嘉賓。

自嘲有精神病

訪問期間剛演唱完畢的阮兆祥出現,笑言要來修哥演唱會表演,修哥稱祥仔要表演任何場地都歡迎他,祥仔即笑修哥想拒絕他,問到修哥準備情況,修哥稱已如火如荼,心情開心,但就比較疲倦,因為還有兩劇在身要開工,他謂:「今日朝早06通告,一直拍到夜晚6點,到呢到完咗之後,又要返廠開工。(吓,幾點收工呀?)收凌晨4點,但呢個係我自己要求嘅,我希望盡快拍完我嘅戲份,可以一心一意去做我嘅演唱會,所以,今日3號拍到7號連拍幾日。」祥仔讚修哥精力充沛,修哥就謂:「你都話我有病,有精神病嘛!」祥仔笑指修哥真是好夠精神。

申請入健力士紀錄

講到是否真的將這次名為《86破晒紀錄》演唱會去伸請入健力士紀錄?修哥表示:「我乜都唔理㗎,我嘅範圍係做好我自己演唱會嘅事,其他嘅事都唔理。」另外,有份演出的朱咪咪,她表示下午才在上海完成工作返港,所以,來到會場即爭取時間休息,抖好精神準備台上演唱。


來源 source: http://hk.on.cc
鍾意就快D Share啦!