掃呢頁CODE去手機

2017年12月4日 星期一

玩到似昏君!張繼聰慘被囡囡起飛腳 __,繼聰,張繼聰,

好可愛呀!人哋話女兒係爸爸嘅前世情人,呢個比喻真係講得一啲都冇錯!張繼聰自從今年3月添咗細女張靖(Karina)後,就變得鐵漢柔情,不時喺社交網大晒同 ...


好可愛呀!


人哋話女兒係爸爸嘅前世情人,呢個比喻真係講得一啲都冇錯!張繼聰自從今年3月添咗細女張靖(Karina)後,就變得鐵漢柔情,不時喺社交網大晒同囡囡嘅溫馨時刻,睇到一班網友心心眼!

今朝,阿聰又再喺社交網放閃,晒出一系列同囡囡玩嘅相,仲留言:「圖1至圖3中,該名男仕(士)玩到成個昏君咁。圖4至圖6中,該名少女以瘋狂式嘅眼神向該名男仕(士)嘅老婆示威,最後一張嘅眼神可以話係可圈可點……」相中阿聰深情咁望住囡囡,一時錫吓佢隻手仔,一時又扮咬佢個肚仔,畫面勁溫馨!而Karina亦遺傳咗父母嘅演藝細胞,一時開懷大笑,一時又托頭迷惑地望向鏡頭…不過講到最好笑嘅,一定係最後一張相!相中Karina踢起左腳,然後就一腳撐住爸爸塊面,姿勢盡顯霸氣!網友見到都話搞笑,仲話:「正宮娘娘般的眼神。」睇嚟謝安琪(Kay)嘅女主人地位認真危危乎!

老婆謝安琪亦喺社交網晒出囡囡Karina食嘢萌樣嘅短片,仲話遺傳老公強大幽默基因:「原來KaKaBall 都係搞笑底嘅,好喇,基因好強大喇你果(嗰)邊。」

蘇永康爆囝囝反叛

而同樣榮升為人父嘅歌手蘇永康喺張繼聰帖文留言,滿地葡萄大讚Karina好乖,笑言自己囝囝Jazz已經踏入反叛期:「我現在深深明白到生仔同生女嘅分別,kakaball真係好乖!小兒蘇爵士已經開始有反叛嘅傾向,一唔喜歡就冇眼淚咁扮喊!昨晚佢爬到我床邊差點掉下去,我就用手附住,等佢頭向下、腳向上,大個(概)七、八秒,我知佢頂唔緊,我就一嘢將佢定咗落床,之後仲唔識死再嚟多次!當佢再爬到床邊我一聲巨響Jazz!嚇到佢好似條簷蛇咁爬番轉頭。我知道呢個係關鍵時候,唔能夠俾(畀)佢一扮喊,就佢需要任何野我哋都要順從佢,感謝湊仔分享。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!