周慧敏最近閉為一月底舉行嘅演唱會操練，不過無論幾忙都好，一向擺老公喺首位嘅周慧敏，點都會撐老公嘅。早幾日倪震有份投資嘅波樓，開第三間分店，今次除咗波樓之外仲搞埋婚宴場地，身為老闆娘當然要出席開幕禮啦。佢仲唔介意同老公重演，當日結婚影結婚相嘅情節，真係好難得見佢哋咁公開放閃。
早排壹仔就撞到忙住搞新鋪嘅倪震，一枝公喺屋企附近買嘢，由於周慧敏係玉女掌門人，梗係唔會咁輕易俾你喺街撞到啦，所以去超市呢啲嘢，通常都係老公負責。但係又估唔到倪震咁有環保意識，會自備購物袋。去完超市再去買埋外賣，不過佢只係買咗一盒仔嘢食，唔知係自己食定係買俾老婆呢？行返屋企途中，倪震撞到個女仔，佢好敷衍同個女仔講幾句，就急急腳走人，咁又係嘅，返屋企陪老婆緊要啲！
來源 source: http://nextplus.nextmedia.com
|
鍾意就快D Share啦！
|
|
|
