「做訪問做咩？我又唔係求人家鍾意我，又唔係要人諒解我。」今年67歲的邵音音，前邵氏女星，在彭浩翔執導電影《低俗喜劇》中，演回自己過去一段艷星歷史——70年代風月電影《官人我要》。
1978年，音音姐憑《官人我要》隨片出席康城影展，一襲粉紅肚兜透視裝搶盡風頭，成為史上首個行康城紅地氈的華人女星。美聯社稱她為「China Doll」。但「艷星」一名，令音音姐耿耿於懷至今。每次接觸，音音姐總是不經意地調侃自己一番。曾有人這樣「解讀」她——為了懲罰自己。即使音音姐後來憑《野．良犬》摘下金像獎最佳女配，她也是不願多談。「因為我媽仲健在，唔想傷害佢；我怕仔女難受，唔想佢哋為我而聽閒話。」
音音姐這樣形容：「我最憎提剝衫呢件事，佢係我一個膿包，生咗好多膿，你要我唧，好痛苦。我覺得好痛好痛，所以要保護佢。」
話說回來，講番音音姐行完康城紅地毯之後，美聯社形容她是「China Doll」，直譯就是「中國娃娃」——那是1978年，「中國娃娃」喎——因為咁，音音姐遭台灣封殺我，「一夜之間，電影公司離棄我，以前感情好好嘅記者亦怕咗我，聽到我電話好似見鬼咁，呢件事影響我一生，好無奈。」
結果音音姐要四出登台搵食，亦因為咁，俾佢喺馬來西亞識咗富商陳耀發，拍拖兩年就結婚。可惜唔係童話式結局，音音姐去到大馬安頓，先發現自己仍然「艷名遠播」；去Salon會俾闊太鬧佢唔三唔四。生下女兒之後，音音姐避走三藩巿，後來又為咗令小朋友學好中文，再搬返香港。一次讀小學二年班嘅囝囝放學後對住佢喊：「我朋友媽咪話你係三級，你係唔係？」
於是音音姐惟有同佢講：「媽咪後生嗰陣俾人呃，做錯咗事，但唔係自願嘅。」
|
鍾意就快D Share啦！
|
|
|