陳勳奇宣布抗癌成功，今日見面精神奕奕。
早前發現患上「甲狀腺未分化癌」而暴瘦的導演陳勳奇，今早現身方逸華追思會，戴着黑超，穿着厚褸的他步履輕盈，精神不錯，身形亦比之前發福。他進場後與方逸華的妹妹握手及鞠躬，他受訪時說：「專登從北京返來，以前方小姐對我好好，依家已經抗癌成功 ，老虎都可以打死。」
年少輕狂得方逸華原諒
提到與方小姐的往事，陳勳奇說：「方小姐生前對我好好，趕到嚟係緣分，反而陳自強出殯時，自己喺北京趕戲嚟唔到，依家電影煞科，所以可以趕到嚟。十五歲時加入咗邵氏，喺邵氏度成長，方小姐喺我好細個已經好錫我，以前我好反叛，成日激佢，又做錯嘢，多謝佢原諒我，即使離開邵氏後，佢都有搵我做導演，嗰部戲叫《沒有老公的日子》，係葉德嫻同袁詠儀拍嘅。」
成龍王家衛嗌咪出事
早前發現患癌的他，直言以為自己會死先，他說：「以為我生cancer應該會走先，不過老天爺信我任務未完成，過去呢十幾年，喺大陸都有關心下一代，題材都係正能量，自己會繼續做好呢個任務。拍完《美麗戰爭》講傷殘人士點樣殘而不廢。（你依家身體點？）已經復元，老虎都打得死，成龍同我講叫我唔好死，話《十二生肖》仲要我拍，王家衛都叫我唔好死，《一代宗師》要拍嘅，所以依家有兩大任務喺身，自己都要清醒，希望可以創作多啲關於香港嘅故仔。」
至於藝人汪明荃戴着眼鏡素顏現身追思會，由樂易玲招呼在方逸華遺照前鞠躬後，汪明荃與方逸華的妹妹握手，並向對方致予慰問。另外前藝人曹眾拖住一個小朋友到場，之後跟方逸華兩個妹握手。
來源 source: http://hk.on.cc
|
鍾意就快D Share啦！
|
|
|