藝人鄧月平以代言人身份出席活動，穿上大露背裝，非常吸睛。她笑言冬天十分寒冷，吃大量食物儲脂肪過冬，又認為女仔隨着年齡增長，baby fat會減少：「呢排運動都冇做，不過要開始操fit減肥迎接夏天同新工作。（有咩新工作？）要開始拍嘢，今年打算出三隻歌。（你肥咗幾多？）冇磅過，但我本身鍾意煮嘢食，聖誕節同新年煮咗十人分量嘅晚餐畀朋友食，仲整咗羊腩煲好好食。」她直言對自己下廚十分有自信，因為每個食過嘅人都想再食，打算未來開關於飲食的節目。
愛神怪男拒父女戀
問可有試過為男友煲湯？她說：「如果我有拖拍，都想男友煲畀我飲，前排去台灣拍節目都有整炸嘢畀麥子樂食。（有冇機會撻着？）父女戀咩！撻唔着，我覺得佢好有爸爸感覺。（唔係鍾意年長啲？）唔係，我係比較鍾意神怪channel嘅男仔。」
曾有鬼進出身體
她又透露農歷新年會返鄉下重慶跟外婆學捉鬼。而她去年9月回鄉下飲宴時，屋企人曾教她一些收魂魄的技巧：「佢哋係遺傳做呢樣，最近我20歲生日前一日撞鬼，喺身體出出入入，家人就叫我係時候學嚟傍吓身。（你唔驚？）我係女仔嚟梗係驚，但發生嗰刻係唔知，事後聽番係最恐怖。」她認為事件幾有趣，有助提升寫故事的靈感。
外婆用血驅鬼
鄧月平表示自小忌水，十多歲時試過在荷花池旁被推落河：「屋企人話我忌水忌得好犀利，試過朝早六、七點鐘起身做法事，類似做驅魔嘅嘢。」她又表示試過病得很嚴重，連續睇過三個醫生都無效，結果外婆用自己的血幫她驅鬼：「嘔咗啲黑色嘢出嚟。」她又試過朋友從她身上聽到一把男人聲音。問是否足年回去學捉鬼？她說：「唔定，我婆婆40歲先至學，媽咪冇呢個特質，細佬仲細未知有冇。我細個嗰時學過催眠，喺念力方面特別推動到。當初學嚟想幫人，同埋做藝員都多呢啲。」她講到令她最大感受是因為在台灣住酒店時，令她有唔輕鬆的感覺，加上日前到電台接受訪問時亦發生小插曲，需要立即轉話題。她又表示在自己14歲時有一些收到資訊的特殊能力，自此就未有發生。
--------------------
東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/
如仍未更新東網App，請按此連結收睇360影片： https://goo.gl/kjWq8A
|
鍾意就快D Share啦！
|
|
|