在紐約Fashion Institute of Technology攻讀女裝設計學士畢業的唐文龍，94年參加新秀歌唱比賽入行，先做歌手再做演員。出過同名專輯《唐文龍》，95年及96年在台灣出過三隻國語唱片。估不到吧？
唔知點解，唐文龍幾乎每次拍拖，都係俾女飛。拍拖6年嘅陳少霞如是，拍拖半年嘅關心妍亦如是。嗰陣女方剛出道，有指係因為不想影響事業而分開。
05年，唐文龍錄影鄭裕玲主持嘅節目《百法百眾》時，忽然爆seed話：「我遇到啲女人，話走就走，佢要走你都吹佢唔脹！我都嘗試過俾女人hurt得好深！」
那可有冇被騙金錢？唐文龍好無奈咁話：「樓就冇，係車同錢啫！不過，呢啲係你情我願，可以點啫！」又默認對方係圈中人：「係我入行之後識，即使依家撞到都冇乜嘢，唔通追佢攞番咩！」
當時大家都估佢講嘅女人係陳定關，但唐文龍就唔肯承認同否認，話過去嘅事唔想多講。不過關心妍事後就話同唐文龍只係普通朋友，仲話：「我本身屋企有錢，我又唔揸車嘅，呃佢啲乜呢？再講，我有男朋友，同佢又唔係好熟，唔明點解佢要咁講。」
事隔多年，唐文龍不介意談與陳少霞分手的原因，亦不介意談及拍拖7年的空姐女友點解分手，理由係唔想拖累對方。文龍接受《1圈圈》訪問時稱：「當時佢31歲，就快32歲，我都就快40，又要去北京發展。我睇唔到大家會有將來，加上我當時的經濟好唔掂，只會攬住一齊死！就作出這個決定。
「我成日話，『我一生人都冇對人唔住，只係欠咗佢。』只能夠話，如果有下一世，咁我下一世還俾佢啦，唔想再去糾纏、堅持呢件事，因為有啲事，我做咗，我會承擔。我覺得我冇做錯，因為我坦白。」
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|