好難得呀！
資深製作人蔡和平推出新書，記錄在香港電視圈的50年生涯點滴，除了合作多年的薛家燕、汪明荃外，更獲忘年好友王祖藍力撐，二人於2015年因拍攝節目認識，短短三年只佔人生匆匆一頁，但二人一見如故成為知己，蔡和平笑言因二人都是「流着電視的血」，亦同樣深愛美食所致。
祖藍笑言最愛約蔡生食飯「聽故仔」，他說：「最鍾意邊食飯邊聽故事，順便八吓有咩美食，因為我屋企人好奄尖㗎！（太太李亞男好奄尖？）係我媽媽佢哋，次次蔡生介紹都有讚無彈，無介紹錯㗎！（最鍾意聽咩故事？）《歡樂今宵》我睇到嘅幾乎睇晒，當然係問我出世之前嘅，例如蔡生點同李小龍、張國榮合作嗰啲！」
祖藍指蔡和平除了是「EYT之父」，更親手打造首屆香港小姐選舉，大讚說：「佢做咗好多好破舊立新嘅事，令電視順利發展繁榮至今，不過睇住好多節目都冇當年咁興盛，真係好可惜。」近年不少OTT平台加入競爭，而亞視亦成功復播，講到電視圈競爭變大，蔡和平表示：「最主要係觀眾習慣唔同，一家人都好難坐埋一齊睇同一個節目，各有各睇，真係好難再做到合家歡，轉型係無法避免。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|