網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年1月1日 星期一

【情侶檔高調講愛】湯洛雯條裙越跣越低 羅天宇:都幾牙煙 __,羅天宇,湯洛雯,

因拍處境劇《愛.回家》而撻著嘅羅天宇、湯洛雯,雖然一直都未有承認戀情,不過直到今年羅天宇嘅生日,湯洛雯錫男友嘅相片流傳,事後湯洛雯終於承認戀情。噚晚湯 ...




因拍處境劇《愛.回家》而撻著嘅羅天宇、湯洛雯,雖然一直都未有承認戀情,不過直到今年羅天宇嘅生日,湯洛雯錫男友嘅相片流傳,事後湯洛雯終於承認戀情。噚晚湯洛雯同羅天宇喺將軍澳出席除夕倒數活動,着住tube dress嘅湯洛雯,唱歌嗰陣條裙越跣越低,結果露出癡住件衫嘅膠紙,好彩冇失禮嘅場面出現!

事後問番呢件事,湯洛雯好大反應話:「吓,見到咩?我仲以為自己企高咗,台下就會見唔到。我都想瘦咗,不過只係件衫鬆咗,好彩見唔到啲重要部位。」

天宇聽到都話牙煙,問佢出場前有冇幫女友去檢查?佢話:「後台有好多人,唔方便幫佢檢查。」湯洛雯就話係自己唔小心,啱啱佢都有問經理人,佢話喺台下有冇見到。

今次係佢哋第一次情侶檔搵錢,湯洛雯話:「好開心呀,可以拍住拖搵錢,下次加啲錢可以唱歌!」之不過講到有冇結婚打算,佢話:「我哋o依家係發展中,而且又係我嘅搏殺期,冇諗結婚呢樣嘢,等我哋再相處吓先。」

再問係咪即係未認定天宇?湯洛雯就話:「唔係,我係認真嘅,如果10分係滿分,佢都有9.5分!」天宇就話:「我覺得做男人要有成就,我會更加努力做好自己!」佢又話俾女友100分!



更多娛聞,喺晒《娛果》

http://fb.com/appledailyent

【minigame】2017瘋暈人物 返工打機唔使擇日

http://bit.ly/2CeWQkP

攝影:仇志德 湯洛雯失手露膠紙!

湯洛雯話未有結婚打算。 湯洛雯俾羅天宇9.5分。




鍾意就快D Share啦!