網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年1月19日 星期五

洪永城視后投唐詩詠 網民求復合 __,詩詠,視后,洪永城,唐詩詠,

洪永城幫唐詩詠拉票。無綫花旦唐詩詠同洪永城去年分手後,一直都屢傳復合消息,早前二人更被東網獨家影到佢兩個鬼祟復合,仲約埋一齊撐枱腳食飯添,之後唐詩詠出 ...


洪永城幫唐詩詠拉票。


無綫花旦唐詩詠同洪永城去年分手後,一直都屢傳復合消息,早前二人更被東網獨家影到佢兩個鬼祟復合,仲約埋一齊撐枱腳食飯添,之後唐詩詠出席活動都話同洪永城復合係隨緣,仲話大家唔係仇人,見面都好正常!

1月21日就係《萬千星輝頒獎典禮2017》嘅大日子,唐詩詠憑劇集《不懂撒嬌的女人》有份爭視后一席,詩詠嘅演技更獲網民一致好評,仲力撐佢直頭係贏晒添!之前洪永城講到明會幫唐詩詠拉票,唔係得把口㗎!洪永城喺社交網站上載張截圖,原來佢真係身體力行投咗一票畀唐詩詠爭視后,仲好感性咁留言話見到唐詩詠演出每個角色都好專業,仲話唐詩詠已經係佢心目中嘅視后,佢留言:「記得曾經問過你,如果你攞最佳女主角,你會講啲咩?你話:有機會攞先算啦。今年終於到你。有樣嘢非常之佩服你,喺劇組咁多年,我從來未聽過一個人講你壞話,只聽到詩詠好、詩詠得、詩詠無得頂,淨係呢個原因你都至少攞個最佳人緣獎啦。當然你點會剩係得呢個奬咁簡單,見到你每次開劇之前角色上嘅準備工夫,令自己投入狀態,而在劇拍攝中無論自己生活中在幾多嘅情緒,你都保持在那狀態之中,你係我心目中嘅最佳女主角,咁多年嘅努力,希望今次你得。」

唔少網友睇到洪永城呢一番咁洋蔥嘅留言,仲話覺得字內行間散發出愛嘅感覺,仲話洪永城係好男人,希望佢兩個可以復合添!

----------------------------

東網巨星開咗ig喇,大家快啲follow

https://goo.gl/KGuo2N 


來源 source: http://hk.on.cc
鍾意就快D Share啦!