聲音永遠都不會單向，多年來鄭欣宜不時都受到外間批評，但亦有不少人欣賞她，除了讚她演技不差，有人讚她五官好及皮膚靚，𠱁到欣宜好開心。
網友：其實欣宜啲戲OK吖，講真幾好戲。
欣宜：今時今日我都覺得自己啲戲好屎㗎！好多謝你識欣賞，我唔多經驗亦唔多考究，只係上過一堂，但自己接到乜嘢角色，盡量忘記自己係邊個去做。
網友：個個都話《29+1》有欣宜唔入場，個角色係要造作得嚟唔太靚女，欣宜未必係最好，但又邊個女演員可以？
欣宜：其實我拍嘅時候都好擔心，導演不斷叫我開心啲，我都諗會唔會太可愛，但剪完片，我就明白導演點解咁做，因為角色要對比。
網友：欣宜其實皮膚唔差，五官又OK。
欣宜：我好勤力護膚，因為我十幾歲係滿面暗瘡，記得我娘親曾經同我講一句對白，令到我好hurt：「都唔知點解你會生暗瘡，我都唔知乜叫暗瘡！」佢真係好白滑靚到爆炸，平時真係唔搽粉，就咁紅唇膏搞掂。
來源 source: http://hk.entertainment.appledaily.com
|
鍾意就快D Share啦！
|
|
|
