無綫新劇《波士早晨》將於2月12日（星期一）晚8時30分首播，由黃智賢、陳慧珊、洪永城、李佳芯、李子雄與張致恒等演出，講述辦公室角力、爾虞我詐爭上位的故事。黃智賢、李子雄與洪永城為爭做CEO，大玩辦公室政治，為搏上位不惜明爭暗鬥。老闆身邊的秘書們也為地盤互相鬥一番，推波助瀾希望老闆成為Big Boss，自己亦水漲船高，相信會引起不少白領麗人的共鳴。
金句道盡打工仔心聲
陳慧珊與黃智賢劇中飾演離婚夫妻，但她不想別人知道兩人過去的關係，往往只在後樓梯、天台見面，因而鬧出不少錯摸笑話。兩人劇中關係水火不容，簡直是「火星撞地球」，黃智賢對今次的「賤精波士」表面笑騎騎、背後放毒蛇一角，笑言與過往的律師、專業人士等形象分別很大：「我把口好賤，成日激到好正經、好Cool嘅陳慧珊紮紮跳，同埋我一入公司就裁員炒人，個個都覺得我係賤精。」
問到陳慧珊工作態度出名認真兼要求高，黃智賢說：「陳慧珊對自己對角色要求真係好高，我哋拍攝前會傾清楚劇情，搞清楚每場戲先去拍，做咁多工夫都係為部戲好。」而陳慧珊飾演的「秘書王」全能又忠心，可謂度身訂造，戲中口頭禪：「人工包埋嘅。」道盡打工仔心聲！戲中的她對老闆忠誠，為護主不惜「食死貓」被誤會與老闆李子雄有染，全力支持老闆到底。
趙希洛捱鬧粒粒真眼淚
趙希洛在《波士早晨》飾演驚青兼懶散的秘書，與能幹的秘書王陳慧珊形成強烈對比。兩人原本是李子雄旗下，後來趙希洛被調到跟隨惡死上司黃智賢，戲中不時被鬧到喊， 流了不少眼淚，她笑說：「我依家見到黃智賢都仲叫佢做老闆！戲裏面啲眼淚全部係真，冇用眼藥水㗎！」
趙希洛坦言在澳洲讀書時經常看陳慧珊的劇集，沒想到多年後竟然一齊拍劇，問到與前輩合作可有緊張？她說：「合作得好開心！唔會緊張，因為之前拍劇做汪明荃個女，戲入面成日同佢嗌交，同汪阿姐拍過劇之後，加上同監製戚其義合作嘅訓練，我諗都冇乜邊個要驚！」
恃靚攻「城」 李佳芯又做小三
李佳芯在劇集《波士早晨》中飾演省鏡秘書，恃靚行兇在公司「收兵」，一班「兵仔」為她幫老闆辦事起來事半功倍。雖然鍾意「收兵」，但她的內心渴望尋求真愛，可惜感情上卻觸礁！李佳芯劇中與大受秘書歡迎的靚仔上司洪永城拍拖，後來才發現自己做「小三」，洪永城竟然有老婆，兩人劇中不乏床戲。
劇中樣靚身材正，李佳芯卻有不可告人的一面，原來是靠整容「醜女大翻身」，故最怕返回成長地長洲，每次探媽媽也要偷偷摸摸，深怕被街坊認出，李佳芯說：「今次角色幾好玩，好多秘書是是非非戲，拍得幾過癮。」
|
鍾意就快D Share啦！
|
|
|
