謝安琪一條放在家長group的聲帶，被友人放咗出嚟，即被網民、高官、醫生公開撻伐。咦，網上親子論壇有網民表示，多間私家診所的兒童流感疫苗已經缺貨，問題嚴重，卻未見政府同醫管局如此勞師動眾去「招呼」／「澄清」傳聞。
話題扯遠咗。其實想講，今日有謝安琪一條私人錄音被放上網公審，十年前就有陳冠希——一部手提電腦拎咗去整，結果改寫了很多人的命運。
「奇拿」已漸為人淡忘。但今日又有人提起——不過並非上述兩人，而是另一人——eLiTe Multimedia Limited職員謝某。當日謝將電腦內嘅硬碟backup，儲存喺外置harddisk上，發現部分「閃卡」，即與份屬同事嘅史某一齊欣賞。由於牽連甚廣，謝便即時吩咐史「當冇睇過」，史當時表示明白，但原來已將「閃卡」偷偷燒咗落碟，仲俾人睇。其後網上開始流出「閃卡」。
事過境遷，鍾欣潼（阿嬌）都宣佈將閃嫁「醫界王陽明」賴弘國（新聞連結: http://bit.ly/2EbEPUB )，離奇地，微博上卻有一名同樣姓謝，與案中謝某同名同姓的網民，留言向阿嬌致歉。
謝生係香港人，香港人用微博？簡體字？唔奇……好似係。
呢位謝生喺微博寫道：「九年了，你終於結婚。對不起你了。」但到依家仍未能證實該網民係咪真係謝生本人。有網民留言話「他」不該再提舊事：「你應該親口對她說。」
講番史生，佢喺09年5月就三項不誠實使用電腦罪被判入獄8個月零15日。史曾接受周刊訪問，稱自己係代罪羔羊：「警察拉唔到奇拿咪拉我囉！」同年陳冠希接受CNN訪問，當時可以話係佢為重返娛圈試水溫之作。被問到點睇史生？陳冠希坦言當初都有恨佢：「依家心態同8個月前已經唔同了，我已經原諒咗佢，而佢亦要坐監。」
最港電影大獎投票網址
http://bit.ly/thekongestfilmawards
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
