東東帶2個女一齊綵排。
歌手陳曉東本周六在澳門開騷，已進入最後倒數階段，連日東東專注練歌排舞，太太王妤嫻貼身照顧，而兩個寶貝女日前陪爸爸來到錄音室練歌，原來東東決定給朵朵和多多踩上自己舞台初次啼聲。雖然只得3歲的朵朵和2歲的多多，乖巧又精靈，但東東一聲令下，兩個小公主就走到東東身邊唱歌，家姐朵朵先帶頭唱起兒歌，妹妹多多便跟着家姐唱，完全不怕生保或怯場，更愈唱愈放，東東頓時變了兩女兒Fans全程伴唱，最搞笑兩個小公主唱到不願停，東東笑言：「是爸爸的演唱會，不是你們呀。」
準備雪糕畀兩個囡囡
見到東東一字不漏跟着女兒唱兒歌，東東坦言：「監生轟炸咗四年，監生聽四年英文、普通話同廣東話嘅兒歌全部識唱，聖誕節仲有聖誕歌。（為兩個女錄首兒歌？）如果有好嘅卡通片再唱都得，兒歌係好美好正面嘅世界，所以，我冇教佢哋唱我啲情歌住，怕好老積，學住兒歌先。」對於兩個寶貝女精靈表現東東當然冧爆：「放心晒，但唔知佢哋到時上到台係咪都係咁High！（兩姊妹好有表現欲？）係喎，係幾犀利，平時妹妹比家姐木訥啲，但今日佢好High。不過，到時佢哋上台，我都會準備定雪糕，萬一有乜蝦碌，就出『冰淇淋、冰淇淋』氹佢哋。」東東忍不住說兩豆丁唱得比他要High之餘，還搶咪。
開騷在即東東稱太太都照顧有加，不時有湯水滋補。說到歌迷期待他紅館開騷，是否快有好消息宣布？東東謂：「希望喇，多謝大家一路幫我詢問住，一齊咁肉緊件事，但自己唔急嘅，明白急唔嚟，正如幾日後開騷都唔會太緊張。」
文：音樂組 攝：李柏儒
來源 source: http://hk.on.cc
|
鍾意就快D Share啦！
|
|
|
