掃呢頁CODE去手機

2018年2月10日 星期六

潦倒!廖子妤廿蚊捱三日 發高燒唔敢求醫 __,

未餓過嘅人唔知食到一餐飽飯係幾幸福嘅事!馬來西亞女星廖子妤(Fish)來港發展及居住滿了六年,日內就返家鄉與家人過年,她說:「馬來西亞同香港差唔多,去 ...


未餓過嘅人唔知食到一餐飽飯係幾幸福嘅事!


馬來西亞女星廖子妤(Fish)來港發展及居住滿了六年,日內就返家鄉與家人過年,她說:「馬來西亞同香港差唔多,去食團年飯、同親友拜年,馬來西亞有一味叫撈生,即係香港人叫嘅『撈起』,撈起時大家要講好多吉利說話,今年想要達到咩目標或願望,撈完咪風生水起,我都好想返去撈過起。」

Fish坦言去年事業最勁,一口氣連接了五部戲,她說:「兩部係主演,三部係客串,好多工作同拍戲機會,多啲人識我,今年好想乘住上年嘅好運,事業再好啲。」隨着工作增多,她的收入也有進帳,她笑說:「今日想食壽司就食,聽日想食燒肉就食。」回想起初來香港時候,因為無錢連發高燒都不敢睇醫生,她說:「公司都有叫我睇醫生嘅,但我真係驚貴,冇乜錢,嗰時我有帶成藥嚟香港,諗住自己都冇工作,瞓覺多啲休息應該會好嘅,(唔辛苦咩?)都幾辛苦,嗰時自己走落街買咗好多支水、乾糧,係咁飲水,食完就食藥瞓覺,因為人體係有自愈能力,因為發緊燒,好似好番啲,落街買嘢食又燒番,唔單只全身燒,又會骨痛,但我都要食飯,惟有自己再爬落去,我真係唔想欠人哋嘢,所以有咩問題自己解決,嗰段時間比較難捱啲。」

除了不敢睇醫生,Fish坦言之前每一餐都要計住,她說:「想買嘅嘢都要諗過度過,食一餐飯都要計住,因為驚會使大咗,冇咗生活費,(最窮困係點?)因為我每個星期只可以攞一次advance(預支)400蚊,係經理人公司畀我,合約寫明嘅,有一次去到星期五先發現我得番20蚊,但星期六、日公司又冇開,呢20元蚊要用三日,(點捱?)捱到呀,唔出街囉,總之會有辦法,嗰時冇工開嘅日子我瞓得好晏,趕喺快餐店嘅下午茶六點鐘,我五點九就去買個下午茶餐,跟住將個餐分兩次食,晚飯食一半,沖多啲水變成粥,第二朝加啲麵豉再食,其他日子就食即食麵,我仲有買一包米,如果食辛辣麵,再煲飯,將即食麵撈落去一齊食,就有即食麵飯,(咁慘?)其實唔慘㗎,我自己都唔想用咁多錢,因為未賺錢。頭兩年都係咁過,係艱難啲,因為拍完第一部戲後,差唔多成兩三年都冇拍過戲,不過我ok嘅,有呢啲日子我先更加珍惜依家,我覺得幾開心。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!