2018年2月19日 星期一

擺薛家燕緋聞上台!黎小田開騷遭群星圍攻 __,黎小田,薛家燕,家燕,

黎小田畀人圍攻…好睇好睇!著名音樂人黎小田(Michael)一連兩場假紅館《小田金曲50年作品演唱會》來到昨晚(18日)尾場,現場座無虛席,演唱會準時 ...


黎小田畀人圍攻…好睇好睇!


著名音樂人黎小田(Michael)一連兩場假紅館《小田金曲50年作品演唱會》來到昨晚(18日)尾場,現場座無虛席,演唱會準時於8時30分開始,身穿藍色西裝的Michael彈着鋼琴登場,清唱兩句《大地恩情》後,他跟現場觀眾打招呼及致歉:「大家睇報紙都知,許志安唔舒服,出席唔到,對唔住呀!但仲有好多歌星嘅!」說畢便返回台下彈琴。

多個師母?

嘉賓人數一如昨晚(17日)般鼎盛,超過二十位嘉賓現身撐場,當中包括曾路得、胡渭康、林利、柳影虹、葉振棠、陳曉東、湯寶如、陳美齡、衛蘭、衛詩、王馨平、蔡一傑、周華健等,雖然薛家燕今晚沒有再擔任嘉賓,但全晚都有她的「身影」。先有胡渭康同林利登場,胡渭康揶揄Michael,話看到報道指他跟家燕姐撻着咗:「睇到你哋『依泣』,係咪會多個師母?之前都有去飲你同師母嗰餐,會唔會飲多次呢?」Michael即時就話:「兩個𡃁仔,快啲唱歌」

湯寶如唔敢唱《心肝寶貝》

再有輪到湯寶如(湯記)出場時,湯記就話接下來她會獻唱《心肝寶貝》,但又指:「呢首歌係尋晚家燕姐唱畀小田哥聽嘅定情歌,唔知唱唔唱好,唱又會好尷尬,所以唱之前要詢問小田哥唱唔唱得。」Michael就表示:「請你唱。」

取代唔到家燕姐

當湯記唱至中段時,她問Michael聽完之後有咩感覺?Michael就叫她比心機唱。湯記就接住話要用家燕姐的唱腔繼續唱,令全場爆笑!Michael又突然咬住玫瑰花上台,與湯記口接口傳花,令二人都不禁笑起來!唱畢《心肝寶貝》湯記又再問:「咁我有冇家燕姐嘅影子?」Michael抵死回答冇,激到湯記話:「取代唔到家燕姐,我會幫你寄枝玫瑰畀佢。」說畢湯記就緊接唱出《似火探戈》。

家燕姐娶新抱加結婚?

以為湯記會就此罷休?當唱完《似火探戈》,她就繼續講Michael與家燕姐的戀情:「尋晚你同家燕姐心心相印,祝你哋連生貴子、共諧連理!」Michael表示家燕姐6月娶新抱,湯記笑言:「咁咪啱囉,娶完就即刻換婚紗!」此時Michael看似招架不住,問湯記:「你想點?」湯記馬上緩和氣氛講:「想你錫我一啖,唔係要手,要面吖!」Michael即時獻上深情一吻,湯記心滿意足邊大叫「我同家燕姐平排」邊下台。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...