掃呢頁CODE去手機

2018年2月22日 星期四

陳茵媺驚聞再追多個 陳豪急忙安撫 __,茵媺,陳豪,陳茵媺,

陳豪與太太陳茵媺夫妻檔出席活動,好溫馨、好熱鬧。視帝陳豪(阿Mo)與太太陳茵媺到銅鑼灣時代廣場出席新年活動,阿Mo在活動中舞龍頭,好威風!低胸上陣的茵 ...


陳豪與太太陳茵媺夫妻檔出席活動,好溫馨、好熱鬧。


視帝陳豪(阿Mo)與太太陳茵媺到銅鑼灣時代廣場出席新年活動,阿Mo在活動中舞龍頭,好威風!低胸上陣的茵媺則舞龍珠。現場氣溫轉涼加上下着毛毛雨,夫妻二人在旁等待上場前依然散發出陣陣溫暖,見到太太衣着單薄,護妻心切的阿Mo貼心為茵媺披上外套,十指緊扣欣賞表演,大放恩愛閃光彈。

阿Mo透露一家人留港過節,最開心是太太下廚一手包辦了團年飯,而自己則負責煎年糕及煮咖啡奉客,講到新一年大計,阿Mo說:「希望家人平安、開開心心,一家人充滿愛,小朋友聽聽話話,快高長大。」茵媺則說:「希望新一年拍多啲戲,兼顧埋屋企。」

太太愈來愈正

陳豪夫妻檔受訪,適逢初七「人日」,茵媺笑說:「Happy Birthdays!」阿Mo又笑言夫妻檔齊齊為新一年開工是個好開始。談及今年未有出埠度歲原因,他說:「因為小朋友嘅假期決定留低。」茵媺亦認為留港最能讓小朋友感受新年氣氛。阿Mo又大讚太太廚藝好:「小朋友好開心,最開心係太太煮飯,佢每年都係煮聖誕同團年兩個大餐,特別係新年先會煮廣東菜,要好多功夫,上年佢仲煮盆菜,由零開始。(畀幾多分太太?)110分(仲有進步空間?)只會愈做愈好,愈來愈正!」

忙為兒子做功課

育有兩子一女的阿Mo,被問會否計劃生多個?太太茵媺聞言即說:「What?」阿Mo則笑說:「唔係生嘅問題。」茵媺聽到老公的反應,即驚呼:「What do you say?!」令阿Mo亦急急安撫說:「大家冷靜啲先!最重要係照顧佢,要教育。所以暫時三個先!(暫時?即係之後會再生?)等我做埋啲功課先依家日日排住隊要我做功課。」

夫妻檔闖大銀幕

問茵媺是否接下不少工作?她說:「拍廣告先,依家都傾緊活動同電影,有機會同老公合作。」阿Mo即笑說:「避咗好耐,避唔到喇!(抗拒演情侶?)站在觀眾立場,我哋演情侶係咪有點兒哪個呢?加上有荷里活影星係咁,希望我哋唔係(怕鏡頭前親熱尷尬?)唔好閂後門住!睇下藝術成分有幾多囉,演員都係想將最真嘅嘢演出嚟,都希望係感動到觀眾,可能有限度咁做。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!