2018年2月22日 星期四

袁偉豪見家長提親 張寶兒冧爆:好事近! __,袁偉豪,張寶兒,

張寶兒帶男友袁偉豪見家長,提到結婚即時笑到見牙唔見眼。
袁偉豪見家長提親張寶兒冧爆:好事近!現年36歲的藝人袁偉豪(Ben)與26歲的張寶兒(Bowie)相戀不足一年,但感情穩定,前晚Ben更偕女友及其父母 ...


袁偉豪見家長提親 張寶兒冧爆:好事近!

現年36歲的藝人袁偉豪(Ben)與26歲的張寶兒(Bowie)相戀不足一年,但感情穩定,前晚Ben更偕女友及其父母搞飯局傾婚事,席上見他已融入家中,與未來外父外母言談甚歡,待嫁的Bowie甜蜜表示:「我哋每一日都好事近!」張母亦很滿意未來女婿的表現,大讚100分!

型男袁偉豪與港姐出身的張寶兒,去年5月拍攝無綫旅遊節目《打工捱世界Ⅱ》時火速撻着,雖然相戀不足一年,但愛得甜蜜,早前被問及結婚計劃時,Ben曾說:「唔排除任何可能性。(接受先有B後結婚?)睇到時有冇呢個Feel囉!當然都要尊重寶兒家人。」早已認定Bowie為結婚對象!

斟茶遞水 主動埋單

適逢新春佳節,Ben前日專誠與女友去中環見家長。當日下午四時許,他驅車前往女友位於將軍澳的寓所,在香閨逗留個多小時後才載女友直駛中環,兩人落車時見到記者亦笑笑口。問到是否趕往見家長傾婚事?Ben尷尬地說:「拜年啫!」問到Bowie是否好事近時,她即風騷笑說:「我哋每一日都好事近,每一日都充滿幸運!」之後兩人去商場行電器店,未幾見Bowie的父母及弟弟前來會合,期間Ben與女友的父母有傾有講,又齊齊研究音響等電器,一行人之後拉隊往附近食肆晚膳。席上見Ben融入家中,與未來外父外母傾到笑笑口,體貼的他又不時為他們斟茶遞水,逗留個多小時後主動埋單,之後與女友先行離開往取車。Bowie的父母步出食肆時面帶笑容,問是否很滿意未來女婿?他們起初笑而不答,再問張母覺得Ben值幾多分?她即四萬咁口說:「100分!」

Bowie的父母步出餐廳時笑容滿面,對Ben有讚冇彈!
  • Bowie的父母步出餐廳時笑容滿面,對Ben有讚冇彈!
袁偉豪與Bowie的家人相談甚歡。
  • 袁偉豪與Bowie的家人相談甚歡。
袁偉豪對Bowie關懷備至,氹得女友笑不停。
  • 袁偉豪對Bowie關懷備至,氹得女友笑不停。

睇電器研究音響

Bowie事後接受本報訪問,透露近日家中裝修,故男友與其家人相約行街選購電器,順便畀意見。問到父親跟Ben平日是否都很投契?她笑言:「大家都知佢對生活品味不嬲都好講究啦,都係傾啲音響嘢,大家溝通吓啫!大家行到夜咪一齊食飯囉,冇話專登約定。 (屋企人對Ben好滿意?)佢哋好多嘢都由得我,見我事業、生活各樣都好,都好開心。(父母有冇催婚?趕做狗年新娘?)呢啲隨緣」而Ben受訪時表示:「我幫佢哋選擇一啲家庭電器同拜年,我哋好好,多謝大家關心。」

  • 放大圖片
袁偉豪同女友研究音響,又陪她的家人揀電器。
  • 袁偉豪同女友研究音響,又陪她的家人揀電器。

文、攝:追蹤組






鍾意就快D Share啦!
Related Posts Plugin for WordPress, Blogger...