掃呢頁CODE去手機

2018年2月22日 星期四

【滿嘴真愛,其實一點虧都不肯吃】52歲羅霖同細廿年富二代雪山分手? __,富二代,羅霖,

「如果有人真愛你,那他無論忍受多少,都不會願意跟你分開。那種嘴上說愛,其實離你越來越遠的,不過是謊言。那種滿嘴真愛,其實一點虧都不肯吃的,無非是路過。 ...




「如果有人真愛你,那他無論忍受多少,都不會願意跟你分開。那種嘴上說愛,其實離你越來越遠的,不過是謊言。那種滿嘴真愛,其實一點虧都不肯吃的,無非是路過。真愛,就是奔結果去的。沒結果的,只能叫曾愛過。無論你愛過誰,結果只有一個。陪你到最後的,才是真愛。」句句都咁夭心夭肺,似乎係出自己一個有經歷嘅人。

呢番感言,出自羅霖微博,佢今早貼咗兩張雪地新相,仲Post咗呢段文字。出處係「哲言心語」— 拍攝地點係法國滑雪勝地Courchevel。

之前羅霖同細佢20年內地富二代男友王嶠(J君)拍拖,之前仲俾《蘋果》爆佢帶埋細仔Jonathan秘遊曼谷,J君大獻殷勤幫手湊仔拎行李,融入家中,而羅霖當時回覆指二人係好朋友,因為要拍劇半年,會以事業為重。(新聞連結: http://bit.ly/2jNFDnr )新年流流年初七羅霖貼啲咁嘅嘢,一係,就係有感而發;一係,就係分手後羅霖滑滑下雪上網見到段文有所感觸;一係,就係J君帶羅霖上雪山講分手。

唔係咁浪漫嘛?應該唔係,因為羅霖事先張揚今年農曆年同細仔去法國滑雪。

咁究竟發生咩事?

身在法國嘅羅霖接受《蘋果》電話訪時問時話,唔係情變:「我時不時都會抒發呢啲感情嘅嘢,有時寫啲人生嘅嘢,有時睇到啲文字我又覺得幾啱幾受用。」至於同J君關係,羅霖話:「至於我同佢,都仲係朋友嘅關係,我都未係…肯定係佢。都要澄清,佢唔係我男朋友,係我好朋友之一。」

至於結婚,羅霖感謂:「嚟緊我都有工作安排,我諗住冇乜工作先至諗呢個問題,但我諗依家要擱置囉。」羅霖仲話感情都係随缘:「大部分原因是要努力工作给三兒子學費和生活費,所以會放棄自己的感情或愛情」,似乎佢同富二代感情真係有啲暗湧喎!

其實戀情曝光之初,羅霖講過佢係想搵一段簡單感情關係:「J君都有喺呢方面(財政)提出想幫我,我同佢講冇需要,亦都唔想。」又話自己有三年計劃,可以儲錢畀首期買樓,亦唔擔心J君會走咗去:「佢細過我等得,佢急我唔急,我都結過婚,又唔會考慮生小朋友,我都生唔出。」去年中可能因為拍《宮心計2》太辛苦,諗番呢五年嚟日日開工都冇得休息,都想搵個伴,當時羅霖仲話「之前嗰個(J君?)都好大機會」……o依家……

羅霖正於法國度假。 今早突然喺微博發抒情文,令人猜想佢感情亮紅燈。(微博圖片)

(微博圖片) 羅霖帶埋細仔去法國滑雪。(微博圖片)





羅霖同細佢20年內地富二代男友王嶠(J君)拍拖(資料圖片)

鍾意就快D Share啦!