陳凱琳好性感呀！
藝人陳凱琳（Grace）穿上低胸晚裝出席晚宴，露兩吋事業線！受訪時，Grace指是配合場合故打扮隆重一點，提到她到男友鄭嘉穎家拜年一事，她說：「有互相去大家屋企拜年，仲有幾個好姊妹一齊，所以呢個新年好忙，同埋好開心同鄭嘉穎啲朋友一齊食團年飯。
」講到她在社交網上載與男友跟好姊妹陳嘉寶和賴慰玲拜年的相片，她説：「本身唔想甫相，但見個個都甫，我哋唯一一張合照所以就po埋。」她說往年只有鄭嘉穎派利是，今年多了榮升人妻的陳嘉寶和賴慰玲的利是。
問到明年派利是？Grace甜笑擰頭說：「順其自然！（有冇結婚計劃？）未有，不過到時都會低調。（麥玲玲之前話你分分鐘已經註咗冊？）有留意，佢仲話可能我見到佢會打佢，我真係會㗎！講呢啲會令到人誤會囉！（將來結咗婚都唔公布？）真係有咁諗過，呢幾年我哋關係好受注目，所以會低調，結咗婚先講。（喺香港搞？）都會嘅。（好易畀人查到？）要研究下囉，或者喺外地行完禮後註冊會明智啲，到時都會叫好close嘅朋友。」
來源 source: http://hk.on.cc
|
鍾意就快D Share啦！
|
|
|
