江嘉敏話拍拖要講感覺。
「文青女神」江嘉敏（Kaman）在剛剛過去的雞年可算是事業大躍進，在無綫劇《親親我好媽》、《不懂撒嬌的女人》和《誇世代》的演出都大獲好評，相信狗年會繼續人氣急升。問到屬狗的她是否一直多「狗公」埋身，她即扮傻笑謂：「即係屬狗嘅男仔？梗係多啦，一齊讀書㗎嘛！（圍住你團團轉？）冇喎，唔知係唔係因為忙於工作而冇留意到，依家都係想工作上畀多啲心機，同埋都唔急啦，我好後生！」她又指自己不會被誠意打動：「好睇感覺㗎，唔理你係彭于晏咁靚仔定孔劉咁Charm，我唔鍾意你，你圍住我轉都冇用！（謝絕狗公？）咦，唔睬你！」
多謝身邊人
提到Kaman碰巧今年「犯太歲」，她笑謂：「唔驚！（知自己鴻運當頭所以唔怕？）其實係我好少留意，通常都係媽媽幫我留意，佢有同我講今年要特別注意腸胃問題。」問是否覺得往年好好運，她直言：「冇預計過自己可以行得咁快，好滿意成績，好開心可以劇接劇。（太快難適應？）還好，好多謝一直以來遇到嘅人，佢哋都令我學到唔同嘅嘢。（有冇因為上位快而聽到閒言閒語？）身邊嘅人都係好人，冇聽過呢啲！」
提到Kaman最近因拍攝新劇《兄弟》而與人夫王浩信傳緋聞，她坦言一度好介意外界評論：「我知自己每次都好努力就得。（浩信特別對你好？）其實個個都對我好好，好似江美儀、黃智賢、張繼聰等，會話畀我知我缺點係咩，等我去改善。」
場地：香港九龍東皇冠假日酒店
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|