2018年3月11日 星期日

13歲愛女將赴英升學 張兆輝唔捨得嗌難頂 __,張兆輝,

為咗阿女前途着想都冇計!藝人張兆輝到香港體育學院出席運動日。喜歡運動的張兆輝不時會跑步、踢波、踩單車及健身,但因早前弄傷韌帶,現在改為急步行一小時以保 ...


為咗阿女前途着想都冇計!


藝人張兆輝到香港體育學院出席運動日。喜歡運動的張兆輝不時會跑步、踢波、踩單車及健身,但因早前弄傷韌帶,現在改為急步行一小時以保持狀態,他表示有時還會與太太及女兒一起運動,當作親子活動。

唔追名逐利

熱愛運動的張兆輝被問到可有參加比賽? 他說:「冇,唔鍾意參加比賽,自己純粹係想去做運動,唔鍾意競爭,唔係追求名次,做運動最緊要冇壓力,唔好覺得吃力。」

唔慣拍劇太歎

談到張兆輝最近在港為電影拍攝,在新片中飾演警察,他笑言今次沒有動作場面,拍得太舒服,他笑說:「今次真係舒服得滯,主要喺個監控室度冇動作場面,反而唔係咁鍾意,不過都係劇情需要,講鬥智鬥力嘅。」

阿女將赴英升學

張兆輝年尾將會減產陪女兒到英國讀書,問他會否不捨得工作?他說:「都係自己嘅選擇,因為個女都係得13歲,所以要陪佢去嗰邊幫助佢適應環境。」問到可會不捨得女兒?張兆輝說:「一定唔捨得,但係都係為佢好,因為嗰邊全英語環境,對佢學習會好啲。好記得一家送個仔去外國讀書都已經好難頂,經歷過先會有呢啲感受,相信送個女去讀書嘅時候,會更加難頂。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!