掃呢頁CODE去手機

2018年3月11日 星期日

【幾許豐語】分開30年再與前妻同居 洪朝豐感激悉心照料 __,洪朝豐,

「生老病死」是人生必經的階段,然而對於先後證實患上舌癌及淋巴癌的洪朝豐來說,要平定心理及生理上的種種變化,確實不易,情緒上難免會受到一定的影響,「離開 ...




「生老病死」是人生必經的階段,然而對於先後證實患上舌癌及淋巴癌的洪朝豐來說,要平定心理及生理上的種種變化,確實不易,情緒上難免會受到一定的影響,「離開」是他認為的唯一出路。然而當他經歷過人生低谷,走出陰霾,洪朝豐最感激的人,竟然是「她」…

洪朝豐憶述,有日電療後搭巴士返家,當時落雨天灰灰,自己心情也受影響,因而萌輕生念頭,他說:「周圍黑忟忟,我個心都好灰,受呢種天氣牽引,呢幾日自殺念頭不斷出現。」

打消自殺念頭全靠學生一句說話,洪朝豐說:「我病嘅時候好多人想探我,但我全部拒絕晒,因為我好自卑,唔想見人,我已經唔係我,一切都變晒。有一次我整親條腰,我教打坐個學生上嚟同我整腰,佢好苦口婆心話:『老師,俾啲人上嚟探你啦。』就係呢句說話,好啦豁出去,開始有啲朋友探我。有次有個徒弟嚟探我,佢買咗蘿蔔糕同豬腸粉上嚟,我面前有粥有營養奶同一啲湯(前妻葉桂好所煮),我話:『好香呀!』呢個學生即刻話:『Jeff(洪朝豐),你可以將呢種咁美好嘅感覺貢比佛陀。』」

同日學生還帶了一本手抄經書給他,一直失眠的洪朝豐臨睡前想着學生說話,結果當晚睡得很甜,令他有一番領悟:「我將呢個咁美好嘅感覺貢俾佛陀,我咁樣諗之後忽然間唔同晒,生命嘅真締,可能就係將最美好嘅嘢貢(獻)俾你尊敬嘅人、朋友及親人,我突然睇到我存在價值,然後我自己同自己講,電療完之後我要開始番正常人嘅生活,我唔要一個病人嘅生活,我要將美好嘅嘢貢(獻)俾人,唔再好似以前因為種種嘅嘢扭曲咗自己存在價值…」

能夠重新振作,洪朝豐特別多謝前妻葉桂好,他說:「前妻一直照顧,佢本身感冒、哮喘,仍然半夜三更3、4點起身煮嘢俾我食,等我朝頭早有得食,如果冇佢煮嘅嘢,3、4點起身嗰個係我。」洪朝豐特別多謝前妻:「喺我病嘅時候全力照顧我,o依家我同前妻一齊住,真係好微妙,我同佢分開咗30年,但佢願意喺我落難時照顧我。」可有機會復合?洪朝豐哈哈大笑說:「唔會,喺愛情上、感情上,佢唔愛我,我都唔愛佢,我哋唔會復合,我哋好似家人咁,咁多人對我好,令到我生活到,令到我喺呢方面可以鬆咗一啖氣,所以喺呢兩個大前題底下,我先至能夠有一個轉化。」

採訪:魯吉

攝影:周樂恒

拍片:馮嘉銘

協力:徐家希

精選娛聞,喺晒《娛果》

http://fb.com/appledailyent



對於先後證實患上舌癌及淋巴癌的洪朝豐來說,要平定心理及生理上的種種變化,確實不易。
洪朝豐憶述,有日電療後搭巴士返家,當時落雨天灰灰,自己心情也受影響,因而萌輕生念頭。
一直失眠的洪朝豐臨睡前想着學生說話,結果當晚睡得很甜,令他有一番領悟。
能夠重新振作,洪朝豐特別多謝前妻葉桂好。(資料圖片)
他經歷過人生低谷,最終走出陰霾。

鍾意就快D Share啦!