【爆相爆片】現年38歲的林峯跟24歲的吳千語拍拖逾4年，近日由傳婚訊到變成屢傳分手，兩人對分手一事未有正面回應。前日林峯父母出動，特意安排兒子到香港仔海洋公園遊玩，同行還有一名貌似千語的長腿少女，未知是否有意製造機會相睇。林峯全程投入，陪睇海豚表演之餘，更發揮男兒本色，掟「Peppa Pig」一擊即中，更把公仔送給女方。
林峯跟年輕14年的吳千語拍拖近5年仍未結婚，近日更鬧分手，有傳千語戀上前全國政協施子清長孫施伯雄，令婚訊變分訊。不過，前日被本報讀者任小姐透過「爆相爆片」，指中午12時許，在香港海洋公園內的香港老大街遇見林峯一家三口，同行還有一對男女及一名20餘歲身材高䠷、貌似千語的少女。
共食一盒魚蛋
任小姐透露林峯全程包到實，以及戴上黑色口罩，似乎怕人認出，她說：「見到林峯同個女仔一齊去掟公仔，林峯好犀利，一掟就中咗個Peppa Pig，然後送咗畀個女仔，個女仔當然好興奮啦。」她形容束馬尾的少女頗高，外形及樣貌跟千語有幾分似：「個女仔又瘦又靚，聽見佢講普通話，問林峯要唔要食魚蛋，之後見林峯攞咗嚟食，佢哋share一盒。」不過林峯表現避忌，跟新歡始終保持一段距離。其間「長腿千語」對林峯掟到的公仔愛不惜手，邊行邊跟公仔嘟嘴自拍，之後一行六人坐纜車到動感天地玩機動遊戲。
下午3時半，本報記者在海洋劇場發現林峯，一如任小姐所言同行的有林峯父母及長腿千語等一行7人。在劇場內睇海豚表演時，林峯非常投入，之後眾人就轉到海洋館睇水母，經過攤位時，又再玩掟波。一眾長輩中途想先行離開，似是想製造獨處機會給後生仔，不過林峯未有會意，更示意說：「一場嚟到，睇埋先喇！」之後眾人乘纜車返山腳，林峯父親等長輩先行離開，只剩林峯照顧四名女性繼續玩。
約5時左右，林峯準備離開海洋公園時，見有記者出現，表現淡定任影，而長腿千語最初裝作不認識，見事敗後就以公仔遮樣躲避。
「叫佢哋唔使避」
問到是否有新戀情時，林峯說：「唔係，全部都係親戚，我爹哋媽咪啱啱先走。哎吔！唔好煩我啦，你哋唔好影佢哋。」躲在一旁變裝後的長腿千語，戴上超大太陽帽，由兩名女士陪同坐的士離開。林峯亦棄七人車不坐，改搭的士，臨上車前以WeChat留言：「叫佢哋唔使避，做乜事啫！」
對於林峯疑似相睇一事，其經理人回應：「感情事唔回應喇，希望畀啲空間佢。」千語回應亦一樣：「𠵱家工作對我嚟講好緊要，真係冇乜時間，總之工作為主。」
採訪、攝影：徐錦池、孔志豪、梁繼光、黃曉程
|
鍾意就快D Share啦！
|
|
|
