胡鴻鈞提早粉絲過生日呀！
歌手胡鴻鈞3月27日28歲生日，他獲約200粉絲提早為他慶生，在酒店舉行「迎接廿八 到此一遊」生日會，現場歌迷為他唱生日歌及切蛋糕，他又與兩位小朋友一同合唱《到此一遊》，又和歌迷大合照，老闆何哲圖亦有出席並上台送花和送簽名布，胡鴻鈞與老闆攬攬時，扮古靈精怪表情，何哲圖爆胡鴻鈞性格頑皮，但好少被激嬲。
叫歌迷唔好破費
對於獲來自新加坡、馬來西亞和內地的歌迷齊慶生，胡鴻鈞大表感動：「好開心，同咁多歌迷預祝係第一次，佢哋千里迢迢嚟，好感動。（收到好多禮物？）行過見佢哋枱底收埋好多禮物，其實之前叫過佢哋唔好送禮物，唔想佢哋破費，淨係想生日會開心就夠。今次仲見到好多新面孔，少至兩歲，有啲已經做咗媽咪，唔同年紀層都有。」
生日同許廷鏗過？
提到老闆指好頑皮？胡鴻鈞笑說：「我係頑皮，成日喺正經場合做唔正經嘢，好似頭先老闆講嘢，我都有反應，其實我係自己同自己講野，希望呢種性格，帶畀大家娛樂，會繼續保持帶畀人開心嘅性格。（歌迷鍾意你唔正經？）太正經會悶。」提到生日正日是否與好友許廷鏗過？他說：「到時我會開live，大家就知，咁易畀你估到咩？」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
