熱爆娛樂: 【證件相出事】上大陸每次過關都被人扣查張繼聰：我冇走私 _

2018年3月25日星期日

【證件相出事】上大陸每次過關都被人扣查張繼聰：我冇走私 __,繼聰,中國,大陸,張繼聰,

唔知大家有冇試過拎張身份證出嚟同自己一啲都唔似樣呢？張繼聰就試過喇，仲因為咁每次過關都會被人捉走。

今晚張繼聰喺社交網站同大家分享呢件趣事：「我張回鄉證四年前影，嗰陣冇留鬚，拍緊《老表，你好hea》，同o依家個樣有少少唔同，問題喺到喇，每次上大陸做嘢，我過關嘅時候都會被扣查，係，係真係被扣查，所以成日都聽到後面有啲朋友講話：『喂！嗰個張繼聰被人拉咗喎！』通常都係要出示埋身份證，仲大件事，因為我張身份證係十幾年前影嘅。」

講到呢到阿聰自己都苦笑咗一下，之後又話：「我覺得嗰啲邊關嘅工作人員做得非常之正確，因為唔單只你哋，我同事啦、我嘅工作伙伴、甚至我自己都唔係好相信呢三個人係同一個人，但係我張身份證同回鄉證又未到期換，所以呢個情況都係唔會改善，我喺到澄清一次，我冇走私，冇被人拉，我只係証明唔到我自己嘅身份啫。」

網民反應好好，個個都話想睇下到底張繼聰呢兩張證用咗啲咩相差咁遠，阿聰之後再拍片補充：「每一次過關，就算我拎住我自己張回鄉卡，我都係心虛嘅，我每次都好努力去嘗試，但係結果只係得一個，例如我試過笑住啦，不過我自己都覺得自己好可疑，我又試過認真啲啦，咁就直接入房喇，我又試過精神啲啦，因為每次都好攰，但係無論我用咩方法都係唔成功嘅。」

精選娛聞，喺晒《娛果》

http://fb.com/appledailyent

	今晚張繼聰喺社交網站同大家分享一件趣事。（IG圖片）	睇返張繼聰初出道時又真係同依家好大分別。（資料圖片）
張繼聰呢兩張證件相又真係同依家好唔同。（IG圖片）	又難怪會被人扣查。（IG圖片）