福祿壽紅館開騷，阮兆祥、王祖藍和李思捷不停轉造型大玩廣告歌，思捷就秋官上身扮鄭少秋，穿上黑白色西裝唱秋官的經典廣告歌，之後細細粒陳嘉佳以校服Look在台上出現磅重，以獨白笑說：「佢都唔理我，我肯定唔夠肥！」更即時磅出230磅，又扮鄭伊健的經典檸檬茶廣告。
鬥唱九十年代歌
阮兆祥更盡顯扮嘢本色，以網上大熱的日本高中生造型表演陳慧嫻的《跳舞街》，這首歌的原唱是近期人氣回升的日本女歌手荻野目洋子的作品《Dancing Hero》。
在卡拉ok環節中，李思捷以紅色西裝褸白色褲造型亮相，自言：「喺卡啦ok最鍾意唱合唱歌，所以就要同兩位拍檔鬥唱九十年代嘅歌。」思捷又說要邀請一位女觀眾上台唱歌，於是就挑選了一位坐在陳敏之旁邊的女觀眾，那位女觀眾更搞笑稱自己是小龍女，二人其後一齊合唱《相思風雨中》。跟住祥仔以白色hip hop造型上台唱rap，期間契女羅敏莊的5歲囡囡陳禛升上台同祥仔一齊rap軟硬的《廣播道fans殺人事件》。祖藍就話：「你出動埋陳禛，咁我都要出殺手鐧喇。」之後就唱出改詞版的《如果你是我苦衷》，更邀請觀眾大合唱。
齊齊扮黃凱芹
之後三子又同時扮演一個人，看誰個獲觀眾掌聲最多便贏。然後三人唱出黃凱芹歌曲《傷感的戀人》，唱到一半，真身黃凱芹在台上出現，三人笑言有同時有「四個黃凱芹」，更輪流唱出，而黃凱芹在旁聽着笑說：「我要望住佢哋聽佢哋唱畀分。」到評分時，黃凱芹說祥仔較着數因相識在童年，大家都在同一個電台做DJ，所以很清楚祥仔的神韻和動靜。祖藍即說：「我細細個聽電台就聽你啲歌。」黃凱芹笑言：「但有個電台由頭都尾都唔播我啲歌。」祥仔笑言：「所以我依家喺嗰個電台做喇。」思捷就話：「我細細個移民就聽你《傷感的戀人》。」不過，三子都未能搏到黃凱芹歡心，他謂：「你哋都冇扮到我絕招，就係『五蚊雞找畀我』，當每唱一句就伸隻手掌出嚟，五蚊五蚊加埋就幾十蚊啦，但你哋都冇扮到，所以三個都唔Pass。」
|
鍾意就快D Share啦！
|
|
|
