糖妹今次真係食盡中山、潮汕及順德美食。
藝人糖妹（黃山怡）不時主持飲食節目，拍攝期間可大飽口福，令她十分喜愛當主持，最近她有份主持的無綫節目《輝哥為食遊》開始播出，她表示節目內食盡中山、潮汕及順德的美食，大讚有很多特色菜是香港食不到，而且有很多道菜都很難忘，其中榜首位置就是脆肉鯇，令本來不食魚的她都變得愛食魚，她謂：「今次參觀佢哋魚場，隨便撈起都好大條，即刻覺得都可以試吓，之後去到餐廳食脆肉鯇嘅菜式，最深刻係就咁清燙嘅脆肉鯇魚片，放喺湯度淥一淥然後放入口，嘩，脆到呢！完全令我覺得食魚呢件事實在係太美好」
又食又拎
糖妹又透露有到潮州食手打牛丸，更親自嘗試打牛丸：「啲牛丸係用鐵通人力揼出嚟，我都有試揼一分鐘，結果嗰晚手腕痛到不得了，因為我唔識用臂力揼。」她大讚店舖的牛丸十分美味：「好Juicy、好彈，牛筋丸更好食，因為好多汁，真係瀨尿牛丸Feel，係爆汁，講講吓我都流口水，覺得係人間美味，我攞咗4袋牛丸返屋企，但轉眼間已經畀屋企人食晒！」糖妹今趟亦嘗試了上山摘神灣菠蘿，即劈即食，大讚十分清甜！她表示這個節目在周六播出，有時間會回看，重溫當日的美食滋味。
來源 source: http://hk.on.cc
|
鍾意就快D Share啦！
|
|
|
