歌手劉浩龍（師兄）到電台宣傳4月27日於麥花臣舉行的演唱會，他透露自己操練了個多月、每天跑8公里，很開心由178磅減了22磅，但目標是減到30磅：「淨係食菜、雞胸、海鮮同蛋白，我冇嘢做就喺屋企研究點將呢幾樣嘢整到最好食而唔悶，畀我諗到減肥版賽螃蟹，蛋白、蟹肉、焯西蘭花，出完騷可以出書，我整咗好多，令自己食得開心。」
想嘗試跳舞
師兄笑言媽媽及親戚總覺得他已經減夠，與媽咪吃飯時只可以偷飲少許老火湯：「阿媽實係咁，細個已經畀佢儲肥我做肥龍。」他笑說自己每年12月至1月都會狂食，然後又要減肥，希望今次真的可以很弗，但未必會在台上除衫：「可能係若隱若現，又想嘗試跳舞。我一直都係跳舞蠢材，成日畀人笑我跳舞好似打功夫咁。（辣身舞？）冇呀，舞蹈員全男班，想有一班猛男嘅效果。」師兄自言很久沒開騷，所以會全部唱自己的歌，並不會請嘉賓，又笑言自己年輕時唱的歌很難，要每晚練歌。
希望可以加場
至於可會加場？師兄表示如果反應好就希望可以加場，自己沒留意票況，不過在兩星期宣傳期內做了30多個訪問：「好似新人之後都未試過，雖然日日講一樣嘅嘢，不過好享受傾音樂。（女友容祖兒會捧場？）咁耐冇開，我相信每個朋友都會嚟。」他特別感謝朋友買飛支持，又自爆曾開迷你騷沒邀請朋友，結果黃偉文及蘇永康等十多人突然現身撐場，卻因沒位坐而要在化妝間簾後看騷，場面很尷尬，這次他就會邀請朋友。說到跳舞方面可請教祖兒，師兄表示已找了一個了解自己的排舞老師。
冇同祖兒分手
對於祖兒去旅行，師兄冇份而疑似分手，他說：「佢同阿媽去，我又好多工作，我覺得唔係好大件事啫，我1月都有去旅行，同老闆滑雪。每個人都有自己生活，不過佢舊時好忙，未擁有自己生活，呢排有時間享受番都好正常。」師兄指之前與陳奕迅拍戲，又忙又不停食，儲肥後就忙於操肌，笑言現在已有四件半「朱古力」。
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
