即係…佢點都唔肯講…
藝人劉浩龍（師兄）在九展出席有份演出的ViuTV新劇《VR驅魔人》記得招，近期師兄與樂壇天后容祖兒分手傳聞鬧得熱哄哄。問到師兄上年拍劇時與現在的感情狀況有沒有變化？他說：「上年同今年嘅目的都係要做好工作，唔好話我宣傳，嚟緊我四月就開騷，大家都見我瘦咗好多，呢個半月好辛苦，每日操兩個幾鐘，又要練歌，發夢都諗起食嘢，精神壓力好大，自己好耐冇做騷，想令大家覺得我係一個歌手，好想畀人睇到我嘅努力。（分手傳聞令你分心？）新聞真係好少睇，因為要減肥，冇飯食好容易影響心情，好容易忟，所以唔睇一啲令到我有壓力嘅新聞。（祖兒有冇短訊打氣？）真係冇咩人message我。」
避談分手
劉浩龍被問到是否與祖兒分手？他繼續避談說：「呢個環境大家都好支持大家，最緊要係努力工作，暫時唔想去講感情生活，希望大家專注睇到我嘅努力，感情嘅嘢就唔再回應。（係咪冷靜緊？）真係大家仲好互相支持大家，佢好我開心，我好佢亦都開心。（你哋夾過口供？）唔需要夾，大家有自己嘅思想、感受。（近日心情點？）好正面，大家都見我好開心，操嘅時候當然辛苦，因為冇嘢食，有時會瞓唔着，個半月減咗24磅，但係教練希望我再減10磅。（祖兒會唔會嚟睇show？）好多朋友都會嚟，不過擔心唔夠飛，驚冇位。（冇預祖兒？）朋友都有預嘅，但係真係買唔到咁多飛。」
否認借分手宣傳演唱會
有網民認為劉浩龍借分手宣傳演唱會？他說：「如果有朋友覺得我係用呢樣嚟做宣傳，我可以百分百話畀大家聽我唔會，最近都做咗30幾個訪問盡力去宣傳，同埋做呢樣嘢喺呢個年代冇乜用，我唔會做啲咁肉酸嘅嘢，我會靠自己努力，繼續積極啲，希望大家繼續支持我唱歌。（楊受成話希望愛錫祖兒嘅人唔好有目的？）唔回應。」
來源 source: http://hk.on.cc
|
鍾意就快D Share啦！
|
|
|
