掃呢頁CODE去手機

2018年3月5日 星期一

【奧斯卡】塵埃落定!大熱《忘形水》擸四獎 《鄧寇克》奪三技術獎 __,奧斯卡,

第90屆奧斯卡頒獎禮於香港時間今早在美國洛杉磯舉行,一眾荷李活名人及候選人衣香鬢影現身紅地毯,現場陸續頒發多個獎項,究竟今年邊個係大贏家,相信大家都好 ...


第90屆奧斯卡頒獎禮於香港時間今早在美國洛杉磯舉行,一眾荷李活名人及候選人衣香鬢影現身紅地毯,現場陸續頒發多個獎項,究竟今年邊個係大贏家,相信大家都好想知影帝及影后寶座花落誰家。

12:40 《忘形水》大熱當選捧走最佳電影

12:34 珍妮花羅倫絲同茱迪科士打負責頒最佳女主角,由主演《廣告牌殺人事件》法蘭絲麥杜文封金像影后,係法蘭絲麥杜文繼1996年電影《雪花高離奇命案》(Fargo)後第二次奪得奧斯卡最佳女主角

12:23 《黑暗對峙》嘅加利奧文(Gary Oldman)演前英國首相邱吉爾奪最佳男主角,大熱勝出,揮低一眾對手,首次喺奧斯卡封帝

12:14 Emma Stone頒最佳導演,由《忘形水》墨西哥導演基拉莫狄多路(Guillermo del Toro)奪獎。《忘形水》早前捲入抄襲醜聞,被指抄襲1969年作品《Let Me Hear You Whisper》

12:03 動畫《CoCo》靈魂歌曲《Remember Me》奪得最佳歌曲,作曲及填詞人Robert Lopez同Kristen Anderson-Lopez就係之前作紅遍全球嘅《Let It Go》製作人,呢一對夫妻兩次幫迪士尼作曲,兩次都拎獎

11:59 由Alexandre Desplat主唱電影《忘形水》主題曲《The Shape Of Water》獲最佳原創音樂,Alexandre Desplat喺台上致詞:「媽媽今年90歲,如果拎獎,佢會好開心。多謝導演,佢講咗好美麗嘅愛情故事。」同時感謝家人支持

11:49 珊迪娜布洛(Sandra Bullock)頒最佳攝影,由《銀翼殺手2049》嘅Roger Deakins。Roger曾被提名13次,今次首奪此獎

11:37 最佳原著劇本由非裔美國演員兼編劇佐敦比爾(Jordan Peele)處女編導作品《訪‧嚇》奪得,最佳原著劇本之前有三次黑人提名都輸,首次有黑人勇奪此獎

11:32 同志導演James Ivory憑《以你的名字呼喚我》(Call Me By Your Name)拎最佳改編劇本

11:15 最佳真人短片由《The Silent Child》奪得,製作人Rachel講得獎感言時,同時做手語

11:13 《Heaven Is a Traffic Jam on the 405 》奪最佳紀錄短片

11:06 主持走入觀眾區,show出零食及熱狗,疑植入式廣告

10:57 戰爭片《鄧寇克大行動》奪最佳剪接。《鄧》暫時拎咗三個技術獎

10:53 蜘蛛俠Tom Holland頒發最佳視覺效果,由《銀翼殺手2049》奪得。John Nelson一接過獎項即連說:Yes!Yes!Yes!

10:40 大熱門《Coco》拎最佳動畫

10:38 前NBA球星高比拜仁(Kobe Bryant)與Glen Keane合製《Dear Basketball》奪最佳動畫短片

10:30《冰之驕女》惡媽艾莉遜珍妮大熱摘女配,主演《冰》嘅「小丑女」瑪歌羅比喺台下眼濕濕

10:25 最佳外語片由智利代表《神奇女郎》(A Fantastic Woman)奪得,由跨性別女性、智利演員丹妮娜維嘉(Daniela Vega)主演,智利著名變性演員丹妮娜維嘉,以切身經歷飾演變性女孩瑪蓮娜。面對愛人去世同社會百般刁難,佢有講唔出嘅痛,不過佢抱堅強嘅精神

10:14 表演環節,美國歌手馬吉爾同墨西哥歌手Thalia唱出大熱動畫《Coco》主題曲《Remember Me》

10:10 《忘形水》奪最佳美術指導

09:58《鄧寇克大行動》(Dunkirk)獲最佳音效剪輯,同時奪最佳混音,連奪兩獎,得獎者Mark Weingarten, Gregg Landaker及Gary Rizzo特別多謝導演基斯杜化路倫(Christopher Nolan)拍了一套好好嘅電影俾大家睇,亦感謝導演一直對佢哋予以信任。基斯杜化路倫2010年執導電影《潛行凶間》(Inception)連奪最佳音效剪接及混音

09:40 最佳紀錄片《Icarus》Bryan Fogel,Dan Cogan,佢哋發表得獎感言時話:「講真相對現今年代好重要。」此外,《黃之鋒熱血青年VS超級強權》都曾報名參選

09:30《霓裳魅影》奪最佳服裝

09:15《黑暗對峙》 Kazuhiro Tsuji(辻一弘), David Malinowski and Lucy Sibbick奪最佳化妝及髮型設計

09:00 森洛威爾 (Sam Rockwell)憑《廣告牌殺人事件》奪最佳男配角

08:45 年僅22歲嘅影壇新貴添麥菲查洛美(Timothee Chalamet)以白色西裝執到正爭獎,今次佢憑《以你的名字呼喚我》(Call Me By Your Name)角逐最佳男主角

08:30 女星艾絲莉茱爾(Ashley Judd)偕美娜蘇雲露(Mira Sorvino)孖住現身,由於二人同屬荷李活淫監製Harvey Weinstein性醜聞嘅受害人,自然成為紅毯上嘅焦點

07:30《冰之驕女》(I, Tonya)女星艾莉遜珍妮(Allison Janney)以金像女配角大熱姿態穿紅色晚裝高貴登場

《黑暗對峙》加利奧文首次稱帝;《廣告牌殺人事件》法蘭絲麥杜文封后(電視截圖)
同志導演James Ivory憑《以你的名字呼喚我》拎最佳改編劇本(電視截圖)
佐敦比爾憑《訪‧嚇》奪得最佳原著劇本(電視截圖)
最佳真人短片由《The Silent Child》奪得(電視截圖)
前NBA球星高比拜仁(Kobe Bryant)與Glen Keane合製《Dear Basketball》奪最佳動畫短片
大熱門《Coco》拎最佳動畫
《冰之驕女》惡媽艾莉遜珍妮摘女配(電視截圖)
最佳外語片由智利代表《神奇女郎》(A Fantastic Woman)奪得
《忘形水》奪最佳美術指導
《鄧寇克大行動》獲最佳音效剪輯,同時奪最佳混音,又拎埋最佳剪接
最佳紀錄片《Icarus》
森洛威爾憑《廣告牌殺人事件》大熱奪最佳男配角
最佳視覺效果由《銀翼殺手2049》奪得
《忘形水》墨西哥導演Guillermo del Toro奪最佳導演(電視截圖)

鍾意就快D Share啦!