周秀娜就話自己入圍已經當贏咗！
憑電影《29+1》入圍《第37屆香港電影金像獎頒獎典禮》最佳女主角的藝人周秀娜（Chrissie）接受電台訪問，主持人問到身為候選影后的感覺？Chrissie開心表示終於達成心願：「公布候選名單當日，專登去咗做運動，沖緊涼嗰陣收到好多訊息響唔停，就覺得有啲嘢咁，到喺車睇，都唔人識畀咩反應，兩行眼淚就咁流落嚟，要平伏番先去做嘢。覺得呢套戲嘅工作人員好辛苦，自己拍嗰陣都好辛苦，好多嘢加埋一齊。」
問到《29+1》是否最滿意的代表作？Chrissie指能演出這部電影感到非常滿足：「好鍾意劇本，呢個角色又嚟得啱啱好，因為又係呢個年紀，意義更深。但拍嘅過程都好攰，要順住經歷角色嘅感受，同埋又要用舞台劇方式咁拍，係咁重複拍。」Chrissie又大讚導演彭秀慧幫助了她許多：「導戲好有耐性，佢知道自己要咩，會好堅持咁去做好件事。」問到面對強敵，有冇信心獲獎？她笑言入圍就已經當贏咗，又預先感謝一直以來給予自己機會的人：「當然希望觀眾可以投票畀我。（諗好戰衣未？）都有諗嘅，可能會着得中性啲去襯番角色。」
來源 source: http://hk.on.cc
|
鍾意就快D Share啦！
|
|
|