湯洛雯驚爆同羅天宇分手四個月。
藝人湯洛雯與羅天宇突然爆出分手，被外間看好能開花結果的一對，最終分手收場，四年情玩完！湯洛雯為無綫劇集《丫鬟大聯盟》開工，見她心情不俗，似乎未有受到情變影響，她說：「係呀，都已經三四個月。（好好哋點解分手？）一開始同大家講都話係了解發展中，決定咗再進一步，但係發展耐咗都係覺得做朋友會舒服啲，所以選擇做番朋友。（係咪有拗撬？）唔係，你都知佢嘅性格係唔鍾意嗌交，我哋會討論，但係唔會好激動咁嗌交，不過兩個人一齊始終都需要磨合。（相處中有咩分歧？）呢樣嘢想留番喺心裏面，想保留啲私隱，總之唔會牽涉到其他人。」
有問題解決唔到
講到外間看好兩人能夠開花結果，對分手一事感可惜，湯洛雯說：「因為事業都係啱啱起步，真係未諗過結婚嘅問題，結婚唔係短期會發生嘅事。大家相處有開心過，會好好珍惜相處嘅回憶。（係咪同居出咗問題？）我哋冇同居，嗰次係佢嚟接我食飯。（分手有冇轉機？）都係有問題先至會選擇行呢一步，機會唔大。（邊個提出分手？）係雙方去提出，大家坐低去傾，因為發展咗之後，反而冇以前了解緊嘅時候咁開心，所以選擇分開。（有冇試過挽救？）有傾過，但淨係傾都解決唔到問題，咁所以都係Let Go會舒服啲。」
相信陳瀅無辜
講到羅天宇甩拖後與陳瀅撻着，湯洛雯說：「通常有呢啲分手新聞就會話有第三者，我同陳瀅係好好嘅朋友，我哋好Friend，頭先啱啱先喺化妝間見到，都有講起呢件事，陳瀅都覺得自己好無辜，我相信佢哋唔會。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|