喺黃曉明把口講出嚟真係特別好笑…
內地男星黃曉明當年憑劇集《神鵰俠侶》中楊過一角備受關注，大陸紅到嚟香港，曾經係唔少少女心目中嘅「小鮮肉」，攞過視帝影帝依家佢就上晒神枱，最近仲被邀請做講座嘉賓，分享做演員嘅心路歷程，都咪話唔威水。
喺座談會中，出身北京電影學院嘅黃曉明，自爆當時喺中學聽到「北電」要招生，傻吓傻吓以為係「北京發電廠工會」招演員，此言一出，台下食緊花生嘅楊冪都忍唔住笑咗出嚟。雖然係咁，曉明當時都走咗去apply，點知又畀佢成功入學做演員啵，真係估你唔到！佢又提到去in北電時，老師叫佢扮捉蟋蟀，未見過世面嘅佢竟然直接同老師講自己未見過蟋蟀，想笑死人咩曉明～～
之後黃曉明佢自己都將今次講座片段放上網，仲好有感觸咁寫咗大段文字：「稀裏糊塗做了演員，懵懂考學不知北電，來我們學校招生還以為是北京發電廠工會招演員，因為青島沒有見過蛐蛐（蟋蟀），考試會對老師直言不會表演『捉蛐蛐』，這就是有點笨的我。因為熱愛我的職業，當演員後雖然經歷過種種，甚至一度想過要放棄，但幸運遇到了成東青，給我力量，讓我努力往前游，因為我相信，老天愛努力的笨小孩，失敗中也能找到希望。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|