網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月16日 星期五

【求放過】ig都唔敢更新 邱淑貞為大女呼籲:佢真係唔想入行 __,邱淑貞,

豆斗邱淑貞同老公沈嘉偉一齊到君悅出席傑出領幅選舉,喺剛過去嘅農曆新年舉家大陣仗出埠旅行,豆斗笑言:「不嬲出門都好大陣仗。」問豆斗屋企邊個係領幅?佢話: ...




豆斗邱淑貞同老公沈嘉偉一齊到君悅出席傑出領幅選舉,喺剛過去嘅農曆新年舉家大陣仗出埠旅行,豆斗笑言:「不嬲出門都好大陣仗。」

問豆斗屋企邊個係領幅?佢話:「當然係爹哋啦,啲女聽晒佢話,不過幾個女都好乖。」驚爹哋定媽咪多啲?豆斗笑:「兩個都唔驚。我哋驚佢哋多啲。佢哋唔係反叛,真係好乖嘅。」承繼爹哋生意?豆斗就話未知。

豆斗15歲嘅大女沈月越大越靚,仲被捧做「最索星二代」,感情生活同社交網動向亦備受關注,仲有報道話沈月有拖拍之後,已經好少陪「兩老」——即沈嘉偉兩公婆出外享受家庭樂。豆斗可能唔想大女受影響,所以訪問中三句不離女兒,甚至主動謂:「講番我大女啦,其實佢真係冇諗過入娛樂圈,佢自己都唔想入,希望大家唔好跟佢喇。佢有時都唔開心,返學又俾人跟住,同爹哋食嘢又俾人影晒,希望大家俾多啲私人空間佢啦。」又謂因為咁樣,大女就連ig同微博都停止更新。

問到其實大女係咪本來想入行,但俾報道嚇怕咗?豆斗稱:「其實一路都冇話嘅。可能我喺佢由細到大都有講番(入行經歷),可能佢都唔想受咁多壓力。我都有同佢講如果想做model都可以嘅,但佢都話唔想囉。」又謂其實都有好幾間公司分別搵佢兩母女,希望可以簽沈月,不過沈月似乎真係無意入行。

(攝影:陳俊強) 上年曾幫UNICEFHK幫宣傳片。(資料圖片)
沈月同媽咪邱淑貞一模一樣樣。(ig圖片)
(ig圖片)
邱淑貞代女澄清,冇意入行。



鍾意就快D Share啦!