掃呢頁CODE去手機

2018年3月7日 星期三

【終於攤牌】拍拖三年婚事撻Q 37歲姚子羚同的士邦分手收場 __,姚子羚,

37歲姚子羚(Elaine)與過億身家的鄭子邦(綽號的士邦)拍拖三年,近年更進駐男友位於赤柱紅山半島的豪宅過同居生活,更頻傳婚訊,早前胡杏兒暗示今年有 ...


37歲姚子羚(Elaine)與過億身家的鄭子邦(綽號的士邦)拍拖三年,近年更進駐男友位於赤柱紅山半島的豪宅過同居生活,更頻傳婚訊,早前胡杏兒暗示今年有「胡說八道會」姊妹好事近時,個個都以為姚子羚終於嫁得出!

已屆適婚年齡的姚子羚一直等住做「鄭太」,但鄭子邦卻施「拖子訣」,加上浪子性格未玩夠,有傳二人在上月終攤牌分手。

入行以來,一心釣金龜的姚子羚,男朋友個個非富則貴, 曾與夜場老闆Patrick拍拖四年,但有傳逼婚不遂, 最終分手收場,甩拖無耐,姚子羚即有新目標, mark實身家過億兼擁有過百部的士的鄭子邦,二人拍拖三年, 姚子羚前年正式搬入男友位於赤柱紅山半島的豪宅做女主人!

吸取上次經驗,恨嫁的姚子羚唔敢開聲,但就夾埋成班姊妹, 在去年播出的節目《胡說八道真情假期》中,做場大龍鳳, 胡杏兒扮其男友鄭子邦求婚,姚子羚冧爆應承,向男友曲線催婚, 不過有指鄭子邦唔受呢套。「阿邦不嬲都係浪子性格嗰type, 睇得出佢根本未玩夠, 佢本來都覺得同Elaine拍拖相處得好舒服, 但自從女方身邊朋友個個催佢哋結婚,搞到佢開始有壓力, 加上阿邦曾經離過婚,佢唔想再拖累人哋,而且阿邦父母已經走咗, 佢根本唔急住再結婚!」身邊好友透露。

唔想無了期乾等,有指姚子羚不時試探口吻,睇男友態度。 鄭子邦自知拖無可拖,唔想嘥女友時間, 故上月兩人因結婚問題講唔掂數,決定分手。

相關新聞:

【斬斷煩惱】孖丁子高去禪修 鄭子邦提姚子羚即封口

http://bit.ly/2I4gIJI

  【分手後各自飛】姚子羚失戀搵姊妹陪散心 

http://bit.ly/2FXEExJ




來源 source: http://s.nextmedia.com
鍾意就快D Share啦!