熱爆娛樂: 【37歲生日】小情人送花陳茵媺收最好禮物﹕老公全日陪住我 _

2018年4月1日星期日

【37歲生日】小情人送花陳茵媺收最好禮物﹕老公全日陪住我 __,茵媺,陳茵媺,

(新增回應)

今日喺陳茵媺(Aimee)嘅37歲生日，Happy Birthday！

Aimee一向人緣好好，連日都有朋友同佢慶祝生日。噚日Aimee就貼咗同劉倩婷嘅合照，用英文留言﹕「甜蜜嘅女仔送上甜蜜嘅生日驚喜，謝謝你@劉倩婷，太感動喇！」劉倩婷仲送咗一個好別緻嘅蛋糕，上面有手袋同星星嘅裝飾物，仲有心型字牌，好靚靚。

而前日Aimee又約咗幾位好姊妹曹敏莉、朱凱婷同戚黛黛一齊happy gathering，睇嚟Aimee係好鍾意包包，幾位姊妹送上一個來自意大利嘅限量版包包，Aimee好開心咁話﹕「thank you baby.」

Aimee今日回覆《蘋果》話未收到老公陳豪送嘅禮物，笑言老公今日全日陪住佢就係最好嘅生日禮物，佢話﹕「未知佢送乜，但老實講，佢能夠全日陪住我已經係最好禮物，因為我哋都好忙。」問到小朋友有冇表示？佢話﹕「佢哋好秘密咁整緊啲嘢，我都唔知係乜，哈哈。」問到生日願望？Aimee話﹕「非常老土嘅答案，我最好嘅禮物係時間，同老公、仔女及愛人共享嘅時間。」之後Amiee就喺ig揭盅，原來囝囝好有心思整咗幾束小花束送俾媽咪，Aimee開心咁話﹕「My sweetest little boyfriend giving me the sweetest flowers..」

精選娛聞，喺晒《娛果》 http://fb.com/appledailyent

囝囝係前世情人，送咗一束花俾媽咪。(ig圖片)	陳茵媺今日生日，一班好朋友輪流為佢慶祝。(ig圖片)	劉倩婷送咗個手袋裝飾嘅蛋糕。(ig圖片)
(ig圖片)	幾位姊妹朱凱婷、曹敏莉同戚黛黛。(ig圖片)	收到限量版手袋。(ig圖片)
送個香吻(ig圖片)	日前已同老公去旅行過二人世界。(ig圖片)	陳茵媺大部份時間都係用嚟照顧三位小朋友。(ig圖片)