幾乎每個人都對哥哥有讚冇彈！
太極樂隊的主音雷有暉（Patrick）日前接受電台訪問，講到今年是一代天王張國榮（哥哥）的十五周年忌辰，Patrick回憶與哥哥的往事時十分感觸地道：「記得當年係跟住哥哥走巡演，每一場都係獨一無二嘅回憶。我好記得當時他剛完成內地一場騷，第二日冇休息過就來到我嘅婚禮做證婚人，佢仲講笑咁同我講：『嗱，我畀咗好多人情㗎，唔好咁快離婚呀！』仲即場幫手唱咗兩隻歌，當然其中一首就係《為你鍾情》。嗰陣我婚禮上要做一個梳頭儀式，係佢演唱會嘅監製幫我上，哥哥就喺身邊唸：『一梳梳到尾，二梳……』到依家我仲會睇番當時啲相。」
之後主持人問Patrick有甚麼說話想對張國榮說，Patrick即感性道：「哥哥，好多謝你一直以來都好錫我，嗰陣我仲乜嘢都唔係，但係你每一次見到我都會叫我個名，你喺我心目中一直都係咁有型，你嘅歌永遠都係咁好聽！」
來源 source: http://hk.on.cc
|
鍾意就快D Share啦！
|
|
|
