黃修平又同蔡瀚億、顏卓靈合作！
導演黃修平出席第四十二屆香港國際電影節頒獎禮之夜並擔任嘉賓，身為評審的他表示已欣賞10至20套短片，雖然短片來自世界各地，但有字幕所以並不感到吃力，而且分段睇也不會太累。
他表示今次擔任評審非常開心，因為可以見到世界各地的短片，而今次的參賽短片以歐洲為主，取材亦有不同方向、風格多而且實驗性短片更多，更表示香港的短片多為劇情為主，談到香港的短片並沒有入圍，他說：「我都有問大會係咪唔受香港玩，其實香港短片喺第一輪已經冇入圍，睇完之後唔係覺得水平有高低，而係風格唔一樣！（好主觀？）如果唔主觀察唔係藝術」他又表示並不同意香港的短片不入流，指近十年來已經見過香港短片開始有不同風格，不過仍以劇情為主，望今次比賽可給予啟示，可以令香港短片跳出框框，至於可會為香港短片抱不平？他說:「唔會，獎項有唔同嘅標準同傾向！」
談到其執導的電影將開拍第三集，黃修平表示將於今年來開拍，一切在進行，希望夏天時候可以開始，而首集的男女主角蔡瀚億及顏卓靈亦會歸位，而且角色更為吸引。
來源 source: http://hk.on.cc
|
鍾意就快D Share啦！
|
|
|
