掃呢頁CODE去手機

2018年4月2日 星期一

【三年幾戀情告終】張振朗稱唔涉及第三者 陳芷尤:分開咗一段時間 __,陳芷尤,張振朗,

張振朗IG截圖陳芷尤IG截圖張振朗同陳芷尤拍拖三年幾,秘遊法國、荷蘭,上年8月有傳張振朗陪女友陳芷尤返新加坡見家長,以為佢哋打風都打唔甩,點今日佢哋分 ...


張振朗IG截圖
陳芷尤IG截圖

張振朗同陳芷尤拍拖三年幾,秘遊法國、荷蘭,上年8月有傳張振朗陪女友陳芷尤返新加坡見家長,以為佢哋打風都打唔甩,點今日佢哋分別喺IG貼出單人相,留言:「多謝這幾年來的美好回憶,所有事情就像昨天發生一樣,依舊溫暖。我們當中並沒有涉及第三者。雖然現在關係有所改變,但我們都會在遠方繼續支持大家。感謝這幾年來對我們的關心。」

二人忽然爆出分訊,陳芷尤今日短訊回覆傳媒:「其實都分開咗一段時間,只不過而家覺得適當時間po出嚟。大家各有各忙,觀念不同。大家都仲係朋友,都會關心,希望大家會俾番啲私人空間我哋。」問到二人係咪轉玩地下情?陳芷尤話:「大家都係想為自己嘅事業努力,thanks」。

張振朗亦回覆傳媒:「大家想為自己嘅事業繼續努力,大家都仲係朋友,都會關心,希望大家會俾返啲私人空間我哋。」

張振朗同陳芷尤一齊讀25屆藝員訓練班畢業,其後因為拍《愛‧回家》朝夕相對,擦出愛火,極速喺深井同居,為咗唔想拍拖影響事業,佢哋都低調處理感情事,將工作係行先,今年2月張振朗先同陳芷尤穿藍黑色情侶裝現身沙田馬場。

最終都係分手收場!

精選娛聞,喺晒《娛果》

http://fb.com/appledailyent


鍾意就快D Share啦!