就係因為咁所以嗰時做唔到歌手？！
歌手兼音樂人陳奐仁（Hanjin）最近推出新碟《壞人的價值》，曾經幫不少天王天后級人馬監製唱片的Hanjin今次亦是自己一手包辦碟中五首歌的編曲監製，不過他在訪問中透露自己的夢想其實是表演，一開始沒有想過要做音樂人：「我入行嘅時候做啲demo唔係用來賣歌，係攞嚟畀啲唱片公司嘅高層聽，希望佢哋可以幫我出碟，當然佢哋唔簽我喇，但佢就會問：『你啲歌幾好聽喎，不如你畀我啲歌手唱喇？』就係咁我就變成一個賣歌嘅人，當時我會覺得係咪因為我啲production未夠好，所以你聽唔明我做嘅嘢？於是我就一心一意去學做監製、混音同編曲，等到我做到最好之後，點知佢哋嘅反應都係一樣：『你啲歌唔夠commercial（商業），你個樣唔係好Commercial，但係你啲歌好聽，不如畀我啲歌手唱。既然你監製又咁叻，不如幫埋我哋做監製。』所以透過呢十年嘅投資同埋付出，我就知道一樣嘢，就係唔係我啲歌唔commercial，可能係我個樣唔夠commercial啫。」
這個時候主持人阮兆祥馬上接口：「點會唔commercial？你睇我哋兩個孖生兄弟咁款仲唔commercial？所以係佢哋冇眼光，音樂嘅嘢有時未必賣花讚花香就有用，都要遇到知音人先得嘅。」
來源 source: http://hk.on.cc
|
鍾意就快D Share啦！
|
|
|
