熱爆娛樂: 【切勿模仿】陳小春拋Jasper落水近兩米高撻落泳池 _

2018年4月3日星期二

【切勿模仿】陳小春拋Jasper落水近兩米高撻落泳池 __,小春,陳小春,

自從陳小春帶囝囝陳胤捷（Jasper）拍完內地節目《爸爸去哪兒5》，網民大讚Jasper可愛又懂事，今日陳小春老婆應采兒喺社交網貼咗一條父子短片，就幾乎嚇壞咗一大批網友，紛紛替Jasper感到心疼又好笑！

喺短片中赤裸上身嘅小春，雙手將4歲嘅Jasper抱起，用力拋高過自己頭頂再拋落泳池，Jasper好似深水炸彈咁炸水，炸到水花四濺，身為老竇嘅小春笑得好開心，應采兒留言：「親爹」，有網友神回：「所以親媽是在攝像嗎」、「看得出來，春哥是真的很開心啊」、「哈哈哈哈哈心疼我Jasper」。

雖然睇落有啲危險，不過，Jasper就玩得好興奮，事關小春都喺社交網貼另一條Jasper跳水短片，今次就係小春企喺泳池裏面，用手舉起Jasper再擲落水，離開水面嘅Jasper，識得曲起腳仔，用雙手抱實腳仔落水，學擺跳水運動員嘅甫士，玩得好開心㖭。

之前台灣藝人王子(邱勝翊)貼咗同Jasper打機相，留言踢爆：「有位嚴母不讓兒子玩遊戲，放了段Video讓我們假玩，但Jasper一直都覺得是真的，心疼他！」睇嚟小春同應采兒呢對虎爸虎媽，教仔有自己一套方法。

精選娛聞，喺晒《娛果》

http://fb.com/appledailyent

	應采兒喺微博放咗條片，見到陳小春拋到囝囝Jasper高過一個成人身高。(微博圖片)	(微博圖片)
陳小春玩得好開心。(微博圖片)	(微博圖片)	Jasper成個人打側跌落水。(微博圖片)
陳小春ig另外都有一條玩水片。（ig圖片）	又係拋到高過人頭。（ig圖片）	Jasper抱膝，有網民話佢姿勢好正確…（ig圖片）
台灣藝人邱勝翊話陪Jasper「打機」，實情只係係應采兒播咗段gameplay片。