掃呢頁CODE去手機

2018年4月3日 星期二

鄧萃雯港劇「七年之癢」 祥仔恨再合作 __,祥仔,黎耀祥,鄧萃雯,阮兆祥,

真係好想再睇雯女同祥仔合作。藝人鄧萃雯、黎耀祥到土瓜灣出席活動,透露將會以錄音的方式合作宣揚好人好事。雯女透露一直有為大會擔任大使,今次難得邀請到老拍 ...


真係好想再睇雯女同祥仔合作。


藝人鄧萃雯、黎耀祥到土瓜灣出席活動,透露將會以錄音的方式合作宣揚好人好事。雯女透露一直有為大會擔任大使,今次難得邀請到老拍檔祥仔合作,二人即場身體力行,互相寫下對方優點,雯女寫下「咩都冇所謂」讚祥仔為人隨和,而祥仔則寫下「做事認真」大讚雯女專業。

有傳聞指雯女與金牌編劇陳寶華傾合作,回巢TVB拍攝新劇《多功能老婆》,惟最後TVB宣布女主角由楊千嬅出演,指她角色被搶。問到有關傳聞,雯女否認說:「冇呀,十畫都冇一撇,都係關你(祥仔)事我返去同你做頒獎嘉賓,一行入去TVB就有後續(話角色幫你度身訂造?)可能佢(陳寶華)心係咁諗,不過我自己點幫自己度身訂造呢?」

7年冇拍港劇

雯女又表示與陳寶華相熟,大家在北京經常見面,對方回香港拍港劇一定支持,不過傾合作就好像「搵日食飯」一樣掛在口邊,但仍然要等機會。祥仔着雯女具體地向監製們呼籲一下,她即笑說:「都係嗰句,有適合嘅劇本同角色就有機會,演員好被動,我成日都呼籲,好似《東華》咁呼籲,有廣東話劇本我都好想去演。」

雯女又指不少劇迷希望她與祥仔再合作,是美麗的期待,而自己拍過劇集《金枝慾孽貳》至今已有七年沒拍港劇,笑言有「七年之癢」,祥仔聞言建議合作古裝劇,笑言因雯女古裝較靚,不過雯女就恨拍時裝:「你唔明古裝化妝髮型要幾耐時間囉!加上時裝唔使背對白嘛!你係咪好悶呀?要我返嚟支持你!」祥仔聞言笑說:「係呀悶架,不如合作穿越你着時裝穿越過嚟,穿越劇都好耐冇拍喇。《尋秦記》都重拍緊」


來源 source: http://hk.on.cc
鍾意就快D Share啦!